सामसङ ग्यालेक्सी एस२१ अल्ट्रा भर्सेस आईफोन १२ प्रो म्याक्स, कुन किन्दा उपयुक्त

Technology Khabar ४ माघ २०७७, आईतवार

सामसङ ग्यालेक्सी एस२१ अल्ट्रा भर्सेस आईफोन १२ प्रो म्याक्स, कुन किन्दा उपयुक्त
Classic Tech

स्मार्टफोन प्रयोगकर्ता दुई धुब्रमा विभाजित छन्, एक पक्ष एन्ड्रोइडमा छन भने अर्को पक्ष आईओएसलाई उत्कृष्ट मान्दछन् ।

आईओएसको उच्च मोडलको स्मार्टफोन आईफोन १२ प्रो म्याक्स हो । भने एन्ड्रोइडमा केहि विकल्प बजारमा उपलब्ध छन् । एन्ड्रोइडको उच्च स्मार्टफोन मध्ये एक भर्खर बजारमा सार्वजनिक भएको सामसङ ग्यालेक्सी एस२१ अल्ट्रा हो । यो स्मार्टफोनको आगमनसँग बजारमा ‘आईओएस’ र ‘एन्ड्रोइड’ मध्ये कसको क्षमता उच्च भन्ने प्रयोगकर्ता माझ बहस सुरु भएको छ ।

आईफोन १२ प्रो म्याक्स सन् २०२० अक्टोबर १३ र सामसङ ग्यालेक्सी एस२१ अल्ट्रा सन् २०२१ जनवरी १४ मा सार्वजनिक भएका उच्च वर्गका स्मार्टफोन हुन् ।

दुई फोनमा डुअल सिम राख्न सकिन्छ । सामसङ ग्यालेक्सी एस२१ अल्ट्राको तौल २२७ देखि २२९ ग्राम र आयाम १६५.१ वाई ७५.६ वाई ८.९ एमएम छ । आईफोन १२ प्रो म्याक्सको तौल २२८ ग्राम र आयाम १६०.८ वाई ७८.१ वाई ७.४ एमएम छ ।

सामसङ ग्यालेक्सी एस २१ अल्ट्रामा डाइनामिक एमोलेड २एक्स डिस्प्ले र आईफोन १२ प्रो म्याक्समा सुपर रेटिना एक्सडीआर ओएलइडी डिस्प्ले छ ।

दुवै स्मार्टफोन मल्टिटच हुन् । सामसङ ग्यालेक्सी एस२१ अल्ट्राको डिस्प्ले ६.८ इन्च, १४४ X ३२०० पिक्सेल, रिफ्रेस रेट १२० हर्ज छ । आईफोन १२ प्रो म्याक्सको डिस्प्ले ६.७ इन्च, १२८४ X २७७८ पिक्सेल, रिफ्रेस रेट ६० हर्ज छ ।

सामसङको एस्पेक्ट रेसियो २०ः९ र आईफोनको एसपेक्ट रेसियो १९ः५ः९ छ । सामसङको पिक्सेल पर इन्च ५१५ र आईफोनको पिक्सेल पर इन्च ४५८ छ । स्क्रिन बडी रेसियो सामसङ८९.८ प्रतिशत र आईफोन ८७.४ प्रतिशत छ । सामसङमा सेन्टर नोच होल छ भने आईफोनमा वाइड नोज होल डिजाइन छ । सामसङमा एचडीआर १०प्लस, १५०० निट (पिक) कोर्निङ गोरिल्ला ग्लास भिक्टोस, अल्वेज अन डिस्प्ले छ भने आईफोनमा एचडीआर १०, १२०० निट (पिक) स्क्र्याच रेसिस्टेन्ट सेरामिक ग्लास, लियोफोबिक कोटिङ, डल्बी भिजन, वाइड कलर गमुट, ट्रूट्विन छ।

आईफोनको तुलनामा सामसङमा धेरै र्याम छ । सामसङ १२/१६ जीबी र आईफोन ६ जीबी र्याममा उपलब्ध छ । दुबै स्मार्टफोनमा समान १२८/२५६/२५६ जीबी स्टोरेज छ । स्टोरेज बढाउनका लागि एसडी कार्डको विकल्प दिइएको छैन । सामसङको स्टोरेज यूएफएस ३.१ र आईफोनमा एनभीएमई स्टोरेज छ ।

दुबै फोनमा फाइभजी कनेक्टीभिटी, ब्लुटुथ भी५.२, ए२डीपी, एलई छ । सामसङमा २५ वाट फास्ट चार्जिङ, १० वाट वायरलेस चार्जिङ, ४.५ वाट रिभर्स चार्जिङ र आईफोनमा २० वटा फास्ट चार्जिङ र १५ वाट वायरलेस चार्जिङ छ । सामसङमा टाइप सी ३.२ यूएसबी र आईफोनमा २.० यूएसबी, टाइटनिङ छ । दुबै फोन पानी तथा धुलो प्रुफ हुन् ।

सामसङमा एन्ड्रोइड भी११ (वान यूआई ३.१) र आईफोनमा आईओएस १४.१ जुन १४.२ आईओएससम्म अपग्रेड गर्न सकिने अपरेटिङ सिस्टम छ ।

सामसङको मुख्य क्यामरा १०८ मेगापिक्सेल र सेल्फी क्यामरा ४० मेगापिक्सेलको छ । आईफोनको मुख्य क्यामरा १२ मेगापिक्सेल र सेल्फ क्यामरा १२ मेगापिक्सेलको छ । सामसङमा क्वालकम स्न्यापड्रागन ८८८/एक्सयोनोस २१०० (५एनएम) र आईफोनमा एप्पल ए१४ बायोनिक (५एनएम) चिपसेट छ । सामसङमा २.८४ गीगाहर्ज, अक्टाकोर प्रोसेसर र आईफोनमा २.८ गीगाहर्ज, अक्टाकोर प्रोसेसर सीपीयू छ । दुबै फोनमा नन रिमुभेवल ब्याट्री छ । सामसङमा लिपो ५,००० एमएएच र आईफोनमा लियोन ३,६८७ एमएएचको ब्याट्री छ ।

आईफोन १२ प्रो म्याक्सभन्दा सामसङ ग्यालेक्सी एस२१ अल्ट्रा एक सय अमेरिकी डलर महँगो छ । आईफोन १२ प्रो म्याक्सको सुरुवाती मूल्य १०९९ अमेरिकी डलर र सामसङ ग्यालेक्सी एस२१ अल्ट्राको सुरुवाती मूल्य ११९९ अमेरिकी डलर तोकिएको छ ।

निष्कर्ष

सामसङको राम्रो पक्ष भनेको उत्कृष्ट हार्डवेयर, वायरलेस चार्जिङ, रिर्भस वायरलेस चार्जिङ, ओरजिनल डिजाइन, उत्कृष्ट ब्याट्री हो भने खराब पक्ष भनेको यसको साइज मोटो हुनु र निकै उच्च मूल्य हो ।

आईफोन १२ प्रो म्याक्सको राम्रो पक्ष भनेको उत्कृष्ट चिपसेट, पातलो हुनु र उच्च वाटरप्रुफ रेटिङ हो भने खराब पक्षको रुपमा सानो ब्याट्री र पुरानो डिजाइन रहेको छ ।

TK Viber

प्रकाशित: ४ माघ २०७७, आईतवार

Loading...