‘नागरिक एप्स’ को प्रयोगबाट सुशासन वृद्धि हुनेछ -प्रधानमन्त्री ओली

Technology Khabar २ माघ २०७७, शुक्रबार

‘नागरिक एप्स’ को प्रयोगबाट सुशासन वृद्धि हुनेछ -प्रधानमन्त्री ओली
फाइल
Classic Tech

प्रधानमन्त्री केपी शर्मा ओलीले सरकारी सेवा सरल र सहजरुपमा दिन अघि बढाईएको ‘नागरिक एप्स’ को प्रयोगबाट सुशासनमा वृद्धि हुने बताएका छन् ।

सञ्चार तथा सूचना प्रविधि मन्त्रालयमा आज सो एप्स सार्वजनिक भएको अवसरमा भिडियो सन्देश दिँदै प्रधानमन्त्री ओलीले आगामी दिनमा एप्समा सवारी कर, अनुमतिपत्र लोकसेवालगायत सेवालाई पनि जोडिने जनाए ।

नागरिक एप्स बढीभन्दा बढी प्रयोग गरी लाभ लिन सबैमा आग्रह गर्दै उनले युवा पुस्ताले यसको प्रयोगको अगुवाइ गर्ने विश्वास व्यक्त गरे ।

‘परीक्षणका रुपमा नागरिक एप्स प्रक्षेपण भएकामा खुशी लागेको छ । हरेक सरकारी सेवालाई सूचना तथा सञ्चार प्रविधिसँग जोडेर सेवा दिनु सरकारको कर्तव्य हो । सरकार नागरिकलाई सबै सेवा सरल र सहजरुपमा दिन तत्पर रहँदै आएको छ । यसको प्रयोगले भ्रष्टाचार अन्त्य हुने विश्वास पनि लिएको छु ।’ प्रधानमन्त्री ओलीले भने ।

TK Viber

प्रकाशित: २ माघ २०७७, शुक्रबार

Loading...