एभरेष्ट बैंकद्वारा अनलाइन आन्तरिक राजस्व कर भुक्तानी प्रणाली शुरू

Technology Khabar २९ पुष २०७७, बुधबार

एभरेष्ट बैंकद्वारा अनलाइन आन्तरिक राजस्व कर भुक्तानी प्रणाली शुरू
Classic Tech
Nepal Telecom

एभरेष्ट बैंकले फोन पे सँगको प्राविधिक सहकार्यबाट पुस २८ गतेदेखि महालेखा नियन्त्रक कार्यालयको साथ एकीकृत अनलाइन आन्तरिक राजस्व कर भुक्तानी प्रणाली शुरू गरेको छ ।

एभरेष्ट बैंक लिमिटेडका प्रमुख कार्यकारी अधिकृत जीके नेगी र नेपाल सरकार, अर्थ मन्त्रालयका सचिव (राजस्व) रामशरण पुडासैनीको उपस्थितिमा अनलाइन आन्तरिक राजस्व कर भुक्तानी प्रणालीको डिजिटल रूपमा उद्घाटन गरिएको थियो ।

यस प्रणालीको सुरुवातसँगै कोभिड-१९ महामारीको समयमा कर भुक्तानी गर्न कर कार्यालयको भ्रमण गर्ने समस्या र लामो प्रक्रियाको अन्त्य गर्ने भएको छ । बैंकका व्यवस्थापकहरुका अनुसार यस विधुतिय भुक्तानी प्रणालीले ठूलो मात्रामा सेवाग्राहीलाई लाभ प्रदान गर्नेछ ।

बैंकले देशैभरि छरिएर रहेको आफ्नो १०० शाखा संजाल, प्रादेशिक कार्यालय , १३२ एटीएम बुथ सहित विश्वव्यापी नेटवर्कबाट अत्याधुनिक मोबाइल र इन्टरनेट र एसएमएस बैंकिङ्ग सुविधा प्रदान गर्दै आइरहेको छ ।

बैंकले नेपाल सरकारको राजस्व संकलनको लागि ३३ वटा संकलन केन्द्रबाट समेत सेवा दिँदै आइरहेको जनाएको छ ।

TK Viber

प्रकाशित: २९ पुष २०७७, बुधबार

Loading...