Technology Khabar २९ पुष २०७७, बुधबार
काठमाडौं ।
अख्तियार दुरुपयोग अनुसन्धान आयोगले आन्तरिक राजश्व कार्यालय बालाजुका कम्प्युटर अपरेटर राजन शर्मालाई ४३ हजार घुस सहित पक्राउ गरेको छ ।
अपरेटर राजन शर्माले टिमुर किचन रेष्टुरेन्ट ढुङ्गेधारा, बनस्थलीका संचालक सन्तोष थापा मगरसँग कर तिर्न सहजिकरण गरिदिए वापत ४३ हजार रुपैयाँ घुस लिदै गर्दा अख्तियारले नियन्त्रणमा लिएको हो ।
राजन शर्मा र सन्तोष थापा मगर दुबै जनालाई बालाजु स्थित आन्तरिक राजश्व कार्यालय परिसरबाट टङ्गालबाट खटिई गएको आयोगको टोलीले नियन्त्रणमा लिइ अनुसन्धान अघि सारिएको आयोगले जनाएको छ ।
प्रकाशित: २९ पुष २०७७, बुधबार
