सन् २०२१ मा २२ करोड १० लाख सेट टिभी ढुवानी गरिने

Technology Khabar २८ पुष २०७७, मंगलवार

सन् २०२१ मा २२ करोड १० लाख सेट टिभी ढुवानी गरिने
Classic Tech
Nepal Telecom

सन् २०२१ मा २२ करोड १० लाख सेट टिभी ढुवानी गरिने भएको छ । गत वर्षको तुलनामा यो वर्ष टिभी ढुवानी केहि बढि हुने भएको छ । कोभिड–१९ को कारण गत वर्ष टिभीको बिक्री घटेको थियो ।

ट्रेन्डफोर्सको रिर्पोट अनुसार गत वर्षको तुलनामा चालु वर्ष टिभीको ढुवानी २.८ प्रतिशतले बढ्नेछ ।

कोभिड महामारीबाट बिस्तारै विश्व बाहिर निस्किँदैछ । साथै यो वर्ष ठूलो स्पोर्टस इभेन्ट टोकियो ओलम्पिक पनि आयोजना हुँदैछ । टोकियो ओलम्पिक सन् २०२० मै हुनुपर्ने थियो तर कोभिडका कारण हुन सकेन ।

कोभिड–१९ को बढ्दो संक्रमणका कारण सन् २०२० मा टिभीको ढुवानीमा कमी आएको थियो । तर पनि गत वर्षको मध्यदेखि टिभी उद्योग सुधार उन्मुख नै देखिन्छ। सन् २०२० मा २१७ मिलियन टिभी विश्वभर ढुवानी भएको थियो । सन् २०१९ को तुलनामा ०.३ प्रतिशतको गिरावट हो ।

टिभी उत्पादकले गत वर्षको चौथो त्रैमासिकमा उपकरण र चिपसेटको अभावको पनि सामना गर्नुपरेको थियो । सन् २०२१ मा टिभीको बिक्री बढ्ने अनुमान गरिएको छ । त्यसमा पनि ठूलो साइजको टिभीको ब्यापार अझै बढ्ने टिभी उत्पादकको विश्वास छ । एजेन्सी

TK Viber

प्रकाशित: २८ पुष २०७७, मंगलवार

Loading...