भविष्यको पुनःकल्पना गराउँदै अभिप्रेरित गर्न एनसेलको ‘फास्ट फरवार्ड लाइफ’ अभियान

Technology Khabar २७ पुष २०७७, सोमबार

भविष्यको पुनःकल्पना गराउँदै अभिप्रेरित गर्न एनसेलको ‘फास्ट फरवार्ड लाइफ’ अभियान
Classic Tech

कोरोना महामारीपछिको अवस्थामा मोबाइल सेवा प्रदायक कम्पनी एनसेल आजियाटा लिमिटेडले हरेक नेपालीलाई भविश्य प्रति आशा जगाउनका लागि विभिन्न उत्साह जगाउने कार्य गर्दै आएको छ।

त्यसैगरि कोरोना महामारीको प्रभाव र यसले सिर्जना गरेका असहज परिस्थितीलाई आत्मसाथ गर्दै नव सामान्यीकरणका साथ अघि बढ्न प्रोत्साहन गर्दै आएको एनसेलले नयाँ अभियानको थालनी गरेको छ ।

भविष्यको पुनःकल्पना गर्दै डिजिटल पावरका साथ छिटो अगाडि बढ्न अभिप्रेरित गर्नका लागि एनसेलले ‘फास्ट फरवार्ड लाइफ’अभियानको सुरुवात गरेको हो ।

एनसेलले सोमबार साँझ एक सर्ट फिल्म आफ्नो सामाजिक सञ्जाल पेजहरु मार्फत सार्वजनिक गरेर यो अभियान थालनीको घोषणा गरेको छ ।

‘डिजिटलका साथ अब अगाडि बढौं’ ट्यागलाइन रहेको ‘फास्ट फरवार्ड लाइफ’ अभियान एनसेलले आफ्नो ब्रान्ड सार ‘आज, भोलि सधै सँगै’अनुरुप सञ्चालन गरेको हो । यसमा कसरी डिजिटल पावर अर्थात सेवा, सुविधाले जीवन यापन सहज बनाउँदै छिटो अघि बढ्न सकिन्छ भनेर देखाइएको छ ।

कोरोनाको प्रभाव पश्चात डिजिटल सेवा तथा सुविधाका महत्व र प्रयोग बढेको छ ।

कोभिड-१९ प्रतिकार्यमा सुरुवाती चरणबाटै तदारुकताका साथ कार्य गर्दै आएको एनसेलले यस अघि ‘अनपज’ अभियान सञ्चालन गरेको थियो जस अन्र्तगत कम्पनीले महिलाका लागि विषेश ‘गो सिम’ र ‘एनसेल जबसप’ र ‘एनसेल अडियो क्लास’ जस्ता नवीन सेवाहरु सञ्चालनमा ल्याएको थियो । साथै बन्दाबन्दीले दिएका सिकाई, अनुभव, नव सामान्यीकरण, कोभिड संकटका बेलामा कसरी भविष्यको पुनःकल्पना गर्दै अगाडी बढ्न सकिन्छ भनेर ‘मुभिङ अहेड’ वेबीनार सेरिज आयोजना गरेको थियो ।

नयाँ अभियानको घोषणा पछि पनि एनसेलले ग्राहकका लागि डिजिटल पावरबाट लाभ लिन सकिने खालका सेवा तथा सुविधाहरु ल्याउने आशा गरिएको छ । बन्दाबन्दीका बेलामा आफ्ना विभिन्न सेवाहरुका शुल्कमा विषेश राहत प्रदान गर्दै निर्वाध रुपमा सञ्चार सेवामा पहुँच र प्रयोगका लागि योगदान गरेको एनसेलले बन्दाबन्दी पश्चात पनि ग्राहकका लागि विविध अफरहरु ल्याएको थियो ।

एनसेलका अनुसार, उसले कोरोना प्रतिकार्य अन्तर्गत विभिन्न सामाजिक कार्यहरु, सेवा शुल्कमा छुट, रिचार्जमा १२० प्रतिशत बोनस, निःशुल्क ब्यालेन्स ट्रान्सफर सेवा लगायत विविध ग्राहक मैत्री अफरहरु समेत गरी भण्डै रु ९ अर्ब ७० करोड बराबर मुल्यको योगदान गरेको छ । प्रतिकार्य पहल अन्त/गत नै एनसेलले स्वास्थ्य तथा जनसंख्या मन्त्रालय र युनिसेफसँगको सहकार्यमा कोरोना र जनस्वास्थ्य सम्बन्धी नियमहरुको पालनाका लागि निरन्तर जनचेतना फैलाउने काम गर्दै आइरेहको छ ।

यो पनि हेर्नुस्-

एनसेलले ल्यायो ‘एनसेल जबसप’, रोजगारी खोज्ने र प्रदान गर्नेलाई जोड्ने एउटै प्लेटफर्म

TK Viber

प्रकाशित: २७ पुष २०७७, सोमबार

Loading...