भू–सेवा केन्द्रले काम सहज, जग्गा प्रशासनसम्बन्धी आधारभूत सेवा डिजिटल प्रणालीबाटै

Technology Khabar २७ पुष २०७७, सोमबार

भू–सेवा केन्द्रले काम सहज, जग्गा प्रशासनसम्बन्धी आधारभूत सेवा डिजिटल प्रणालीबाटै
Classic Tech
Nepal Telecom

जग्गा रोक्का तथा फुकुवा लगायतका जग्गा प्रशासनसम्बन्धी आधारभूत सेवा सहज रूपले प्रवाह गर्न भू–सेवा केन्द्र स्थापना भएका छन् । मुलुकका २० स्थानमा यी केन्द्र स्थापना गरिसकिएको जनाइएको छ ।

जग्गाका पुराना ढड्डा स्रेस्तालाई अब सेवाग्राहीले स्थानीय तहसँगको सम्पर्कमा रहेर कम्प्युटरबाटै जानकारी लिने र सेवा लिने व्यवस्था गरिएको छ ।

भूमि व्यवस्थापन तथा अभिलेख विभागका महानिर्देशक शेषनारायण पौडेलका अनुसार जग्गा प्रशासनसम्बन्धी आधारभूत सेवा नागरिकले घरदैलाबाटै लिन सकून् भनेर यो व्यवस्था थालिएको हो । घरजग्गा धितोमा राखेर बैङ्क वा साहु आसामी परेको तथा सहकारी/वित्तीय संस्थाले रोक्का राखेको जग्गा फुकुवा गर्ने र धितोमा राख्दा जग्गा रोक्का राख्ने लगायतका काम अब यही भू–सेवा केन्द्रबाट हुने महानिर्देशक पौडेलले बताए ।

डिजिटल प्रणालीअनुसार प्रदान गरिएको यो सेवा ११६ भूमि सुधार कार्यालयमध्ये १०८ कार्यालयमा सञ्चालन भइरहेको छ भने अब बाँकी १८ कार्यालयमा पनि यो सेवा पुर्याइँदै छ ।

महानगरपालिका, नगरपालिका र गाउँपालिकाबाट सेवाग्राहीले यो सेवा लिने गरी यही आर्थिक वर्षमा सबै स्थानमा यो सेवा पुर्याउने गरी कार्य भइरहेको महानिर्देशक पौडेलले जानकारी दिए ।

यसैगरी नापी कार्यालयले पनि डिजिटल प्रणालीबाट जग्गाको नापजाँच गर्ने व्यवस्थालाई अगाडि ल्याएको छ।

पुरानो प्रणालीको नापजाँच गर्दा त्यतिबेला दक्ष जनशक्ति नभएको र जग्गामा हाल साबिक गर्दा जग्गाको सीमा घटबढ हुने समस्या भई साँधसँधियार छरछिमेकमा जग्गा विवाद हुने गरेकाले अब यो प्रविधिको नाप जाँचबाट यकिन नक्सा आउने नापी विभागले जनाएको छ । आजको गोरखापत्रबाट

TK Viber

प्रकाशित: २७ पुष २०७७, सोमबार

Loading...