विश्वकै धनाढ्य एलन मस्कको एक ट्वीटले चम्कियो सिग्नल एपको भाग्य, एक करोड बढी डाउनलोड

Technology Khabar २६ पुष २०७७, आईतवार

विश्वकै धनाढ्य एलन मस्कको एक ट्वीटले चम्कियो सिग्नल एपको भाग्य, एक करोड बढी डाउनलोड
Classic Tech
Nepal Telecom

टेस्ला तथा स्पेसएक्सका सीईओ एलन मस्कको एक ट्वीटले मेसेजिङ्ग एप सिग्नलको भाग्य चम्किएको छ । ह्वाटसएपको प्राइभेसी पोलिसीको विरोध गर्दै मस्कले त्यसको विकल्पको रुपमा सिग्नल एपको प्रयोग गर्न सुझाएका थिए ।

ह्वाट्सएपले जनवरी ८ देखि प्राइभेसी पोलिसी परिवर्तन गरेको छ ।

ह्वाट्सएपको यो नीतिको धेरै विरोध भएको छ । त्यसका साथमा प्रयोगकर्ताहरु ह्वाट्सएपको विकल्प खोज्ने क्रममा थिए । त्यस्तो अवस्थामा विश्वका सबैभन्दा धनी व्यक्ति एलन मस्कले ‘यूज सिग्नल’ भन्दै ट्वीट गरेका थिए । उनको यो ट्वीटसँगै सिग्नल एपको प्रयोगमा ह्वात्तै वृद्धि आएको छ ।

सिग्नल एप पहिलो पटक सन् २०१४ मा सार्वजनिक भएको थियो । तर ६ वर्षसम्म सिग्नल एप प्रयोगकर्ताका माझ गुमनाम थियो । तर मार्क जुकरबर्गको स्वामित्वमा रहेको ह्वाट्सएपले प्रयोगकर्ताको गोपनियता नीति अवलम्बन गरेसँगै सिग्नलको भाग्य चम्किएको हो ।

ह्वाट्सएपको गोपनियता नीति परिमार्जन गर्नु अघि सिग्नल एपको प्रयोगकर्ता सिमित मात्र थिए । हाल यसको प्रयोगकर्ता एक करोडभन्दा धेरै पुगिसकेका छन् । निकट भविष्यमा ह्वाट्सएपले आफ्नो गोपनियता नीतिमा पूनविचार नगरे सिग्नलको प्रयोगकर्ता अझै बढ्ने सम्भावना देखिएको छ ।

सिग्नल एप ह्वाट्सएपका पूर्व सह संस्थापक ब्रायन एक्टनले फेसबुकलाई ह्वाट्सएप बेचेपछि स्थापना गरेका हुन् ।

TK Viber

प्रकाशित: २६ पुष २०७७, आईतवार

Loading...