क्लिनफिड नगर्ने तथा डबिङ्ग गरिएका विज्ञापन प्रशारण गरे विज्ञापन बोर्डले कारबाही गर्ने

Technology Khabar २६ पुष २०७७, आईतवार

क्लिनफिड नगर्ने तथा डबिङ्ग गरिएका विज्ञापन प्रशारण गरे विज्ञापन बोर्डले कारबाही गर्ने
Classic Tech
Nepal Telecom

विज्ञापन बोर्डले विज्ञापन नियमन ऐन विपरित क्लिनफिड प्रशारणका कार्यहरु भईरहेको भन्दै सो नरोकेमा कानूनी कारबाही गर्ने चेतावनी दिएको छ ।

बोर्डले आज सार्वजनिक सूचना प्रकाशित गर्दै कानून विपरीत यदाकदा क्लिनफिड तथा डबिङ्ग गरिएका विदेशी विज्ञापनहरु प्रसारण भइरहेको गुनासो प्राप्त भएको उल्लेख गर्दै त्यसो नगर्न नगराउन सम्बद्ध सबैको ध्यानाकर्षण गराएको हो ।

‘अन्यथा कानून बमोजिम कारबाही गरिने व्यहोरा समेत सम्बद्ध सबैलाई जानकारी गराइन्छ ।’ बोर्डको सूचनामा उल्लेख छ।

सरकारले लागू गरेको विज्ञापन नियमन ऐन २०७६ तथा नियमावली २०७७ अनुसार गत कात्तिक ७ देखि विज्ञापन रहित (क्लिन फिड) प्रसारण लागु गरेको छ । तर केही विदेशी च्यानलहरुमा भने कानून विपरीतका डबिङ्ग गरिएका विज्ञापन बज्न सुरु भएको छ।

यसअघिदेखि नै नेपाली च्यानलहरुमा विदेशी विज्ञापन डबिङ गरेर प्रसारण हुँदै आएका छन् । बोर्डले भने यस्ता दुबै कार्यहरु क्लिन फिड विपरीत भएको उल्लेख गरेको छ ।

TK Viber

प्रकाशित: २६ पुष २०७७, आईतवार

Loading...