एप्पलको नयाँ इन्ट्री लेभलको आईप्याड पातलो र हलुका हुने, मूल्य पनि सस्तो राखिने

Technology Khabar २५ पुष २०७७, शनिबार

एप्पलको नयाँ इन्ट्री लेभलको आईप्याड पातलो र हलुका हुने, मूल्य पनि सस्तो राखिने
Classic Tech

एप्पलले आफ्नो इन्ट्री लेभलको नयाँ आईप्याडमा काम गरिरहेको छ । कम्पनीले यो वर्ष सस्तो मूल्यको आइप्याड ल्याउने तयारी गरिरहेको छ।

यो नयाँ आईप्याड यसै वर्ष लन्च हुनेछ भने यो २०१९ को आईप्याड एयरको जस्तै डिजाइनमा आउनेछ । जापानी ब्लग म्याक ओटोकाराका अनुसार एप्पल आफ्नो नवौं जेनेरेसनको आइप्याड उत्पादनमा काम गरिरहेको छ र यसको मूल्य अन्य भन्दा सस्तो हुने बताईएको छ।

यो आईप्याड २०२० को मोडलहरु भन्दा पातलो र कम बेजेल भएको डिजाइनमा आउनेछ । नयाँ आइप्याडको डिस्प्ले १०.२ इन्चकै हुनेछ।

हालको आइप्याड एयरको मोटाइ ७.५ एमएम छ भने नयाँ आइप्याडको मोटाइ जम्मा ६.३ एमएमको हुन सक्नेछ। आफ्नो पातालो आकार र मोटाइले गर्दा सो आइप्याड धेरै हलुका पनि हुन सक्ने रिर्पोटले जनाएको छ। जसको तौल ४६० ग्राम हुनेछ ।

यो सँगै नयाँ आइप्याडमा टच आइडि र लाइटनिङ पोर्टको फिचर समावेश हुनेछ। यसमा लेमिनेटेड डिस्प्ले, एन्टी रिफ्लेक्टिङ्ग कोटिङ, पि–३ वाइड कलर सपोर्ट तथा ट्रू टोन फिचर पनि हुन सक्ने अनुमान लगाइएको छ।

यसमा ए१३ बायोनिक चिपका साथमा ४ जीबी र्याम हुने अनुमान छ ।

एप्पलले यो नयाँ आइप्याड २९९ अमेरिकी डलरमा बिक्री गर्न सक्ने रिपोर्टमा उल्लेख छ ।

TK Viber

प्रकाशित: २५ पुष २०७७, शनिबार

Loading...