फिचर फोनहरुमा समेत फोरजी भोल्टेको परीक्षण गर्दै नेपाल टेलिकम

Technology Khabar १९ पुष २०७७, आईतवार

फिचर फोनहरुमा समेत फोरजी भोल्टेको परीक्षण गर्दै नेपाल टेलिकम
Classic Tech
Nepal Telecom

नेपाल टेलिकमले फिचर फोनहरुमा समेत फोरजीमा आधारित भ्वाइस कलको परीक्षण गर्ने भएको छ।

कम्पनीले भोल्टे भनेर चिनिने भ्वाइस ओभर लंग टर्म इभोलुसन (VoLTE) सेवाको परीक्षण गर्ने भएको हो ।

सरकारी दूरसञ्चार कम्पनी टेलिकमले देशभर नै फोरजी सेवा बिस्तार गरेसँगै त्यसको उपयोग बढाउनका लागि विभिन्न कार्यहरु गरिरहेको छ । यसै सिलसिलामा टेलिकमले फिचर फोनहरुमा समेत भोल्टे प्रयोग गर्न सकिने नसकिने बारेमा परीक्षण गर्न लागेको हो ।

यसको लागि कम्पनीले ईच्छुक मोबाइल ब्राण्डहरुलाई सहभागी हुन आग्रह गर्दै सार्वजनिक टेण्डर जारी गरेको छ । जसमा आपूर्तिकर्ताहरुले जीएसएम फिचर फोन उपलब्ध गराउनुपर्नेछ । जसमा भोल्टेको फिचर राखिएको हुनुपर्नेछ।

कम्पनीले यसको लागि योग्य आवेदकहरुले आवेदन दिनसक्ने बताएको छ तर त्यसको योग्यता भने खुलाएको छैन् ।

केहि दिनअघि पनि कम्पनीले स्मार्टफोनहरुमा विभिन्न फोरजी फ्रिक्वेन्सी ब्याण्ड परीक्षण गर्नको लागि मोबाइल ब्राण्डहरुसँग आव्हान गरेको थियो । विशेषगरि कम्पनीले फोरजी सेवाको ८०० मेगाहर्ज ब्याण्ड, १८०० मेगाहर्ज ब्याण्डलाई ध्यानमा राखेर डिभाइसहरुमा त्यसको पहुँच र गुणस्तरको परीक्षण गर्न लागेको छ ।

छिमेकी मुलुक भारतमा समेत रिलायन्स जियोले यस्तै फिचर फोनहरुमा नै भोल्टे सुबिधासहित सेवा उपलब्ध गराउँदै आएको छ । जियोले आफ्नै फिचर फोन जियो फोनमार्फत यस्तो सुबिधा दिने गरेको छ।

विकिपिडियाकाअनुसार भ्वाइस ओभर लंग टर्म इभोलुसन (भोल्टे) मोबाइल फोन र डाटा टर्मिनलहरूको लागि उच्चस्पीड वायरलेस संचार मानक हो, इन्टरनेट अफ थिङ्गस् उपकरणहरू र वेयरेबल डिभाइसहरू सहित। भोल्टेमा पुरानो थ्रीजी भन्दा तीन गुणा बढी आवाज र डाटा क्षमता छ भने २जी भन्दा ६ गुणा बढी छ। यसले कम ब्यान्डविथ प्रयोग गर्दछ किनभने भोल्टेको प्याकेट हेडरहरू अनप्टिमाइज्ड भीओआईपी र एलटिई भन्दा सानो छन्। भोल्टे कलहरू सामान्यतया अन्य कलहरूको समान दरमा चार्ज हुन्छन्।

भोल्टेले उत्कृष्ट आवाज प्रदान गर्दछ र तपाईंलाई इन्टरनेट ब्राउज गर्न र कलमा हुँदा डाटामा आधारित एप्स प्रयोग गर्न अनुमति दिनेछ।

नेपाल टेलिकमले अब मोबाइल सेटहरुमा नै फोरजी सेवाको परीक्षण गर्ने

TK Viber

प्रकाशित: १९ पुष २०७७, आईतवार

Loading...