भिभो वाइ२० को नयाँ भेरियन्ट स्मार्टफोन नेपालमा

Technology Khabar १८ पुष २०७७, शनिबार

भिभो वाइ२० को नयाँ भेरियन्ट स्मार्टफोन नेपालमा
Classic Tech
Nepal Telecom

विश्वव्यापी स्मार्टफोन ब्राण्ड, भिभोले आफ्नो नयाँ स्मार्टफोन भिभो वाइ२० (Vivo Y20) को नयाँ भेरियन्ट स्मार्टफोन नेपाली बजारमा उपलब्ध गराएको छ ।

५००० एमएएचको दिर्घकालिन ब्याट्रिको क्षमता रहेको वाइ २० मा एआई ट्रिपल म्याक्रो क्यामरा र म्याक्रो र बोके क्यामरा र सेल्फी फिचरहरु साथै थुप्रै क्यामेरा विशेषताहरु रहेका छन् जसले तपाईको जिन्दगीको पलहरु पर्याप्त विवरण र पूर्णताको साथ कैद गर्न सक्ने कम्पनीको दाबी छ ।

भिभो वाइ २० को मुख्य आकर्षण यसको एआई पावर सेभिङ प्रविधि रहेको लामो टिकाउ ब्याट्रि क्षमता रहेको छ जसबाट रिभर्स चार्जिङ पनि गर्न सकिन्छ । वाइ २० मा साईड–माउन्टेड फिन्गरप्रिन्ट स्क्यानर पनि रहेको छ, यो नयाँ विशेषताले तपाईको फोन एक सेकेण्ड भन्दा पनि कममा अनलक गर्दछ ।

युवापुस्तालाई लक्षित गरिएको भिभोको वाइ सिरिज यसको नवीन प्रविधि र सुरुचिपूर्ण डिजाईनका लागी प्रख्यात छ जसले प्रविधि प्रेमी युवाहरुको दिनहुँ जीवनलाई समर्थन गर्दछ । ग्राहक केन्द्रित डिजाईन र नवीनता प्रति आफ्नो प्रतिबद्धता राख्दै, हालै सुरु गरिएको भिभो वाइ २० हल्का वजन, पातलो र आकर्षक २.५डी कर्भ्ड आकार रहेको एक स्मार्टफोन हो ।‍

युवा प्रयोगकर्ताहरुको दैनिक जीवनशैलीलाई पूर्ण रुप दिन वाइ २० दुई रङहरुमा उपलब्ध छ–ओबसिडियन ब्ल्याक र नेबुला ब्लु ।

वाइ २० मा प्रयोगकर्ताहरुलाई सहजता प्रदान गर्ने साईड–माउन्टेड फिन्गरप्रिन्ट स्क्यानर फिचर रहेको छ जसले फोन अनलक गर्ने अनुभनलाई थप सहज बनाउँछ । थप सुरक्षाका लागी, प्रयोगकर्ताहरुले फिन्गरप्रिन्ट स्क्यानर र मोडर्न फेस–वेक फिचर प्रयोग गर्न सक्छन् ।

वाइ २० को रियर एआई ट्रिपल क्यामरामा १३ मेगापिक्सेल प्लस २ मेगापिक्सेल म्याक्रो क्यामरा र २ मेगापिक्सेल बोके फिचर रहेको छ जबाट प्रयोगकर्ताहरुले विभिन्न परिप्रेक्ष्यबाट तस्बिरको गुणस्तरमा सम्झौता नगरी उत्कृष्ट तस्बिरहरु लिन सक्छन् ।

यस स्मार्टफोनमा ६.५ इन्चको हालो डिस्प्लेको साथ आई–प्रोटेक्सन विशेषता पनि रहेको छ । लामो टिकाउ ब्याट्रि र प्रयोगकर्ताको आँखाको सुरक्षालाई ध्यानमा राख्दै तयार गरिएको स्क्रिनले चलचित्र हेर्ने र हाई डेफिनिसन गेमहरु खेल्ने अनुभवलाई पूर्णता प्रदान गर्छ ।

वाइ २० मा शक्तिशाली क्वालकम स्न्यापड्रागन प्रोसेसरको साथमा ४जीबी र्याम र ६४ जीबी स्टोरेज अप्सनका साथमा माइक्रो एसडी कार्डबाट २५६ जीबीसम्म थप गर्ने क्षमता रहेको छ । उक्त फोनमा अल्ट्रा–गेम मोड पनि रहेको छ जसले अविरल र रमाईलो गेमिङ अनुभव सुनिश्चित गर्नको लागी सुविधा प्रदान गर्दछ ।

वाइ २० को सुरुवातमा मार्स भन्छन्, “हाम्रो वाइ सिरिज परिवारलाई थप सुदृढ बनाउन वाइ २० को नयाँ भेरियन्ट स्मार्टफोन भित्राएका छौं । जसमा विभिन्न क्यामरा फिचरहरु, दिर्घायु ब्याट्रि, आकर्षक रङ र अल्ट्रा–गेम मोड रहेको छ जसले प्रयोगकर्ताहरुलाई मध्य दायराको मूल्यमा एक पूर्ण स्मार्टफोन अनुभव दिलाउँछ । वाइ २० लाई प्रयोगकर्ता–मैत्री बनाउने तरिकाले डिजाईन गरिएको छ ।”

उक्त नयाँ भिभो वाइ २० स्मार्टफोनहरु नेपालभरको रिटेल आउटलेटहरुमा २२ हजार ७९९ रुपैयाँमा उपलब्ध रहेको कम्पनीले जनाएको छ ।

TK Viber

प्रकाशित: १८ पुष २०७७, शनिबार

Loading...