एप्पलले अमेरिकी सेक्यूरिटी बग स्टार्टअप बिरूद्ध प्रतिलिपि अधिकारको मुद्धा हार्यो

Technology Khabar १६ पुष २०७७, बिहीबार

एप्पलले अमेरिकी सेक्यूरिटी बग स्टार्टअप बिरूद्ध प्रतिलिपि अधिकारको मुद्धा हार्यो
Classic Tech
Nepal Telecom

विश्वको सबैभन्दा मूल्यबान कम्पनी तथा टेक जायन्ट एप्पलले एउटा स्टार्टअप सेक्यूरिटी फर्मसँगको प्रतिलिपि अधिकारको प्रारम्भिक मुद्धा हारेको छ ।

फ्लोरिडाका एक संघीय न्यायाधीशले मंगलबार एप्पल इंकको फ्लोरिडा स्टार्टअपको बिरूद्धको कपीराइट उल्लंघन दावी खारेज गरे जसको सफ्टवेयरले सुरक्षा अनुसन्धानकर्ताहरुलाई आईफोन सहित एप्पल उत्पादनहरुमा जोखिम पत्ता लगाउन मद्दत गर्दछ।

अमेरिकी जिल्ला न्यायाधीश रोडने स्मिथले कोरेलियम एलएलसीको पक्षमा फैसला सुनाएका हुन् । उनले आईफोन र आईप्याडमा आईओएस अपरेटिग प्रणालीको नक्कल गर्ने सफ्टवेयरले ‘उचित प्रयोग’ गर्यो किनकि यो ‘ट्रान्सफर्मेटिभ’ हो र विकासकर्तालाई सुरक्षा त्रुटिहरू फेला पार्न मद्दत गरेको निर्णय सुनाएका हुन्।

एप्पलले कोरेलियमलाई ‘भर्चुअल’ आईओएस संचालित डिभाइसहरु सिर्जना गर्न अनिवार्य रूपमा नक्कल गरेको आरोप लगाएको थियो, जसको ‘एकमात्र कार्य गैर-एप्पल’ हार्डवेयरहरुमा प्रणालीको अनधिकृत प्रतिलिपिहरू चलाउनु थियो।

तर न्यायाधीशले भने कि कोरेलियमले ‘आईओएसमा केही नयाँ थप गरेको छ जसले प्रयोगकर्ताहरूलाई चालु प्रक्रियाहरू हेर्न र रोक्न, प्रत्यक्ष स्न्यापशट लिन र अन्य कार्यहरू सञ्चालन गर्न सक्नेछ।’

‘कोरेलियमको नाफाको उद्धेश्यले यसको उचित उपयोग प्रतिरक्षालाई कमजोर पार्दैन, विशेष गरी उत्पादनको सार्वजनिक लाभलाई ध्यानमा राख्दै,’ स्मिथले लेखे।

कोरिलियमले सेक्यूरिटी अनुसन्धानकर्ताहरुलाई भर्चुअलाइज एआरएम डिभाइसहरु (जसमा आईओएस डिभाइस पनि पर्दछन्), लाई वेब ब्राउजरमा घुमाउन र त्यसभित्र भएका कमजोरीहरुलाई गहिरोसँग पत्ता लगाउन सक्दछन् ।

भर्चुअलाइजेसन सफ्टवेयर तथा बग सेक्यूरिटी कम्पनी कोरिलियम सन् २०१७ मा स्थापना भएको थियो भने सन् २०१८ मा एप्पलले सो कम्पनीलाई किन्न खोजेको थियो तर कुरा नमिलेपछि स्थगित भएको थियो। सन् २०१९ मा एप्पलले सो कम्पनीको विरुद्धमा मुद्धा हालेको थियो । एजेन्सी

TK Viber

प्रकाशित: १६ पुष २०७७, बिहीबार

Loading...