Technology Khabar १५ पुष २०७७, बुधबार
काठमाडौं ।
सामसङ इलेक्ट्रोनिक्सको डिस्प्ले इकाईले टिभी र मोनिटरहरूको लागि लिक्विड क्रिस्टल डिस्प्ले (एलसीडी) प्यानलको उत्पादन विस्तार गर्ने बताएको छ । कम्पनीकाअनुसार धेरै मानिसहरूले कोरोनाभाइरस महामारीको बेला घरमा नै मनोरंजन खोजेका कारण मागमा समेत वृद्धि भएको छ।
सामसङ डिस्प्लेको दक्षिण कोरियामा एलसीडी उत्पादन विस्तार गर्ने निर्णयले अनिश्चित समयको लागि मार्चमा गरेको घोषणालाई खारेज गर्दछ । यसअघि कम्पनीले थप एडभान्सड टेक्नोलोजीमा ध्यान केन्द्रित गर्न यस बर्षको अन्त्यसम्ममा सबै उत्पादन समाप्त गर्ने घोषणा गरेको थियो।
सामसङ डिस्प्लेले बिस्तारको यो घोषणाको अबधि नाफाको सुनिश्चितता र बजारको अवस्थामा निर्भर गर्दछ। गत अक्टोबरको अन्तमा भनिएको थियो कि यसले ‘छोटो अवधिको’ विस्तारलाई विचार गरिरहेको छ।
स्थानीय मिडिया आउटलेट आईटी चोसनले मंगलबार रिपोर्ट गरेअनुसार सामसङ इलेक्ट्रोनिक्सको सेट निर्माण विभागको अनुरोधमा उत्पादन एक बर्ष बढाउने छ।
कोरोनाभाइरस महामारीले देखाएको स्टे-एट-होम प्रवृत्तिको कारण थप टिभी र नोटबुकको मागको बीचमा विश्वव्यापी प्यानलको माग तेस्रो त्रैमासमा ३० प्रतिशतले बढेको टेक्नोलोजी रिसर्च फर्म ट्रेंडफोर्सले जनाएको छ। रोयटर्स
प्रकाशित: १५ पुष २०७७, बुधबार