भारतीय इलेक्ट्रिक कार सिंगल चार्जमा ५०० किलोमिटरसम्म कुदाउन सकिने

Technology Khabar १४ पुष २०७७, मंगलवार

भारतीय इलेक्ट्रिक कार सिंगल चार्जमा ५०० किलोमिटरसम्म कुदाउन सकिने
NTC_Advt

काठमाडौं ।

भारतको इलेक्ट्रिक कार कम्पनी प्रभेग डाइनामिक्सले ल्याउन लागेको नयाँ इलेक्ट्रिक कारको जानकारी बाहिरिएको छ । भारतीय इलेक्ट्रिक कार प्रभेग डाइनामिक्सले सन् २०२१ को सुरुवातमा नयाँ कार सार्वजनिक गर्ने तयारी गरेको छ ।

कम्पनीका अनुसार यो कार सिंगल चार्जमा ५०० किमीसम्म चलाउन सकिन्छ । साथै ३० मिटन चार्ज गरेर ३०० किमीसम्म चलाउन सकिन्छ ।

प्रभेग डाइनामिक्सले आफ्नो पहिलो इलेक्ट्रिक कारको नाम एमके१ राखेको छ । यो कारको अधिकतम गति १९६ किमी प्रति घण्टा छ । यो कार ५.४ सेकेन्डमा ० देखि १०० किमीसम्मको रफ्तार हासिल गर्न सक्षम छ । एमके१ मा १५५ किलोवाटको ब्याट्री दिइएको छ । यो कारले उत्कृष्ट शक्तिका साथै तीब्र गति प्रदान गर्छ ।

कम्पनीका अनुसार यो कारको ब्याट्री ३० मिनेटमा ८० प्रतिशतसम्म चार्ज हुन्छ । यो कारको ब्याट्री क्षमता मर्सिडीस एस–क्लास र टेस्ला कार बराबर भएको कम्पनीको दाबी छ।

टेस्लाले भारतमा सन् २०२१ देखि इलेक्ट्रिक कार सार्वजनिक गर्ने घोषणा गरिसकेको छ । भारतमा टाटा नेक्सन इभी, एमजी जेटएस इभी र हुन्डाई कोना इलेक्ट्रिक कारको रुपमा निर्माण भइरहेको छ । प्रभेग डाइनामिक्सको प्रतिस्पर्था यी इलेक्ट्रिक कारसँग हुनेछ । एजेन्सी

प्रकाशित: १४ पुष २०७७, मंगलवार