भारतीय ब्राण्ड लाभाले महिलाका लागि ल्यायो विशेष फोन, प्री-लोडेड सेफ्टी एप्स उपलब्ध

Technology Khabar ८ पुष २०७७, बुधबार

भारतीय ब्राण्ड लाभाले महिलाका लागि ल्यायो विशेष फोन, प्री-लोडेड सेफ्टी एप्स उपलब्ध
Classic Tech

भारतीय स्मार्टफोन उत्पादक लाभा बजारमा पुन आएको छ। लाभाले बीयू (BeU) बजेट स्मार्टफोन बजारमा ल्याएको छ। यो फोन महिलाका लागि तयार गरिएको हो।

कम्पनीका अनुसार फोनमा क्रिस्टल–स्टड डेकोरेसन र फ्लोरल स्पिकर म्यास दिइएको छ । फोनमा कयौं प्री-लोडेड सेफ्टी एप्स पनि दिइएको छ।

लाभाको नयाँ स्मार्टफोनमा २ जीबी र्याम र ३२ जीबी स्टोरेज छ । यसको मूल्य ६ हजार ८८८ भारु (करिब ११ हजार २० रुपैयाँ) तोकिएको छ । कम्पनीले यो स्मार्टफोनलाई आफ्नो आधिकारीक वेबसाइटमा राखेको छ।

फोन गुलावी पिंक कलरमा उपलब्ध छ । बीयू लाभा स्मार्टफोनले डुअल–सिम सर्पोट गर्छ । यो फोनले एन्ड्रोइड १० गो ओएसमा आधारित छ । फोनमा ६.०८ इन्च एचडीप्लस (७२०x१,५६० पिक्सल) वाटरड्रप नोच डिस्प्ले दिइएको छ।

स्क्रिनमा २.५ डी ग्लास दिइएको छ । फोनमा १.६ गीगाहर्ज अक्टा कोर प्रोसेसर छ । एसडी कार्डको मद्दतले यसको स्टोरेज २५६ जीबीसम्म बढाउन सकिन्छ । फोनमा डुअल–रियर क्यामरा सेटअप छ । जसमा १३ मेगापिक्सेल एफ/१.८५ प्राइमरी लेन्स दिइएको छ।

सेकेन्डरी लेन्स २ मेगापिक्सेलको छ । सेल्फीका लागि ८ मेगापिक्सेल एफ/२.२ लेन्स दिइएको छ । फोनमा ४,०६० एमएएचको लिथियम पोलिमर ब्याट्री छ। कम्पनीले यो फोनले सि‌गल चार्जमा १६ घण्टासम्म चल्ने दाबी  गरेको छ । एजेन्सी

TK Viber

प्रकाशित: ८ पुष २०७७, बुधबार

Loading...