Technology Khabar ८ पुष २०७७, बुधबार
काठमाडौं ।
एप्पल इंकका मुख्य कार्यकारी अधिकारी टिम कुकले टेस्ला इंकको अधिग्रहणको बारेमा छलफल गर्नका लागि केही वर्ष अघि बैठक बस्न नै अस्वीकार गरेको एलन मस्कले खुलासा गरेका छन् ।
टेस्लाका सीईओ मस्कले हालै ट्विटरमा सो बारे बैठकको बारेमा खुलासा गरेका हुन् ।
उनले ट्वीटमा सो बारेम जानकारी दिँदै उनी सम्भवत सम्झौताको बारेमा कुरा गर्न आफ्नो कम्पनीको मोडेल ३ को डेभलपमेन्टको “अँध्यारो दिनहरू” मा एप्पलमा पुगेको बताएका छन्। मस्कले भने कि उनले एप्पललाई उसको वर्तमान मूल्यको दशौं भागमा टेस्ला बेच्न सक्ने सम्भावनाको बारेमा छलफल गर्ने योजना गरेका थिए र यसले ६० अर्ब डलरको मूल्य दर्शाउँछ।
‘एप्पल इंकका मुख्य कार्यकारी अधिकारी टिम कुकले टेस्ला इंकको अधिग्रहणको बारेमा छलफल गर्न केही वर्ष अघि बैठक बस्न नै अस्वीकार गरे,’ एलन मस्कले मंगलबार भने।
During the darkest days of the Model 3 program, I reached out to Tim Cook to discuss the possibility of Apple acquiring Tesla (for 1/10 of our current value). He refused to take the meeting.
— Elon Musk (@elonmusk) December 22, 2020
२०१७ मा, टेस्लाले नगद निकै खर्च गरेको थियो त्यसबेला यसले यसको मास मार्केटको लागि मोडल ३ इलेक्ट्रिक भेहिकलको उत्पादन बढाएको थियो।
मस्कले त्यसपछि कम्पनीको फ्रेमन्ट, क्यालिफोर्नियाको प्लान्टमा कामदारहरूलाई भने कि यसले ‘प्रोडक्सन हेल’ को अवधि छ महिना वा बढीको लागि सामना गर्यो। साताको त्यो भनाइ पछि उनले कारखानाको कौसीमा सुतेको बारेमा ट्वीट गरेका थिए ।
सोही समयमा एप्पलले टेस्ला प्रतिस्पर्धीको विकासलाई परिवर्तन गर्दै स्वचालित कार प्रणालीमा बदल्ने निर्णय गरेको थियो।
हालै आएको रिपोर्टहरुका अनुसार एप्पलले अब भने पुरै इलेक्ट्रिक भेहिकल उत्पादन गर्ने योजना गरिरहेको छ । कम्पनीले सन् २०२४ पछि बजारमा एप्पल ब्राण्डमा इलेक्ट्रिक भेहिकल ल्याउन काम गरिरहेको छ । एजेन्सी
प्रकाशित: ८ पुष २०७७, बुधबार