चीन र क्यूबामा भएका घट्नामा अमेरिकी अधिकारीहरुमाथि रेडियो फ्रिक्वेन्सी आक्रमण: रिपोर्ट

काठमाडौं ।

बितेका केही वर्षहरुमा चीन र क्युवामा अमेरिकी दूतावासका धेरै कर्मचारी रहस्यमय बिरामी परेका थिए। यी घटनाहरूको अनुसन्धान गरिसकेपछि युएस नेशनल एकेडेमी अफ साइन्सले भनेको छ कि यो आक्रमण माइक्रोवेभ उर्जाद्धारा गरिएको हुनसक्छ।

सीएनएनको समाचार रिपोर्टअनुसार नेशनल एकेडेमी अफ साइन्सले अनुसन्धान गरिएका घटनाहरूमा स्पन्दित रेडियो फ्रिक्वेन्सी उर्जाको प्रयोग भएको संकेत पाइएको छ।

जबकि रिपोर्टले यी उदाहरणहरूमा निर्देशित माइक्रोवेभ उर्जाको प्रयोग जानाजानी गरिएको हो भन्ने निष्कर्ष निकाल्दैन, तर यसले यस्तो काम नराम्रो उद्देश्यका लागि प्रयोग गर्न सकिने बताएको छ।

‘समग्रमा निर्देशित रेडियो फ्रिक्वेन्सी उर्जा, विशेष गरी स्पष्ट प्रारम्भिक अभिव्यक्ति भएकाहरूमा, यस समितिले विचार गरेकाहरूका बीचमा, यी घटनाहरूको व्याख्या गर्नेमा सबैभन्दा सम्भाव्य संयन्त्र भएको देखिन्छ,’ प्रतिवेदनमा भनिएको छ।

उक्त रिपोर्टले रासायनिक जोखिम, संक्रामक रोगहरू र मनोवैज्ञानिक मुद्दाहरूलाई चोटपटकको सम्भावित कारण वा बढ्दो कारकको रूपमा हेरेको छ तर समग्र विश्लेषणले ती सम्भावित कारण नभएको देखायो।

डाक्टर र वैज्ञानिकहरूको १९ सदस्यहरूको समितिले अमेरिकी सरकारको अनुरोधमा यो अनुसन्धान गरेको थियो।

२०१७ मा, मार्क लेन्जी नामक अमेरिकी कूटनीतिज्ञ चीनको व्यापारीक शहर गुआन्झाउमा कार्यरत थिए। एक दिन उनी अचानक रहस्यमय रूपमा बिरामी भए र उनलाई टाउको दुख्ने, पढ्नमा कठिनाई, स्मरण र निद्रा समस्या पनि सुरु भयो।

अमेरिकी कूटनीतिज्ञ मार्क लेन्जीको एमआरआई स्क्यानहरूले पत्ता लगाए कि उनको मस्तिष्कको २० भागको घनत्वमा विशेष कमी आएको थियो, विशेष गरी ती भागहरू जुन स्मरण, भावनात्मक नियमनसँग सम्बन्धित छन्।

उही समयमा मस्तिष्कको तीन भागको घनत्व बढेको पाइएको थियो। अन्वेषकहरूले भने कि दिमागका धेरै भागहरूको कम घनत्व ब्रेन इन्जुरीको संकेत हुन सक्छ।

अमेरिकी अधिकारीहरूमा धेरै जसो आक्रमणहरू २०१६ र २०१७ को बीचमा भएका थिए। यद्यपि केहि केसहरू २०१७ पछि पनि आए।

नेशनल एकेडेमी अफ साइंसेजले माइक्रोवेभ हतियारको प्रयोगको बारेमा चिन्ता व्यक्त गरेको छ। विश्वमा थोरै देशहरू छन् जोसँग माइक्रोवेभ हतियारहरू छन्। रसिया पनि तिनीहरू बीच गनिन्छ।

क्युवामा, अमेरिकी अधिकारीहरू रहस्यमय रूपमा बिरामी पर्ने घटनाहरूको लागि रूससँग कनेक्सन भएको मानिने गरिन्छ।