Technology Khabar १८ मंसिर २०७७, बिहीबार
काठमाडौं ।
क्वालकमले यसको अर्को फ्लागशिप चिप एन्ड्रोइड स्मार्टफोनका लागि चिनियाँ परम्परामा ‘भाग्यशाली संख्या’को साथ ब्रान्डिङ्ग गरेको छ।
यसले स्न्यापड्रागन ८८८ ले ह्यान्डसेटलाई पहिलेभन्दा उच्च रिजोलुसन फोटो लिन र एआई सम्बन्धित कार्यहरू अझ बढी प्रभावकारी रूपमा प्रदर्शन गर्न दिने बताएको छ।
चिपद्वारा संचालित उपकरणहरू आगामी मार्चमा बिक्रीका लागि उपलब्ध हुनसक्दछन्।
‘८८८’ लाई चिनियाँहरूले भाग्य र समृद्धिको प्रतीकको रूपमा लिन्छन्, जुन क्वालकमको सफलताको आशाको साथमा पक्कै पनि एकिकृत हुनेछ।’ एबीआई रिसर्चबाट डेबोरा पेट्राराले बताए ।
हालका महिनाहरूमा, ह्वावेलाई अमेरिकी प्रतिबन्धको परिणाम स्वरूप यसको आफ्नै किरिन स्मार्टफोन चिप्स उत्पादन गर्न अवरुद्ध गरिएको छ।
क्यालिफोर्नियामा आधारित क्वालकमलाई हालसालै यसको वैकल्पिक रूपमा ह्वावेलाई यसको फोरजीमा आधारित चिप्स बेच्न अनुमति दिइएको छ ।
यसले नयाँ चिपलाई कभर गर्दैन ( जसमा एक एकीकृत फाइभजी मोडेम हुन्छ। तर आउँदो समयमा बिडेन प्रशासन अन्तर्गत निर्यात नियमहरू अझ कम हुनसक्ने अनुमान गरिएको छ।
क्वालकमले भने कि अन्य चिनियाँ विक्रेता (शाओमी, ओप्पो, वनप्लस, मेजु, नुबिया, भिभो र जेडटीई) लगायतका कम्पनीहरुले आफ्नो घोषणा अघि नै स्न्यापड्रागन ८८८ को लागिसपोर्ट देखाइसकेका छन्।
स्न्यापड्रागन ८८८ क्वालकमको पहिलो चिप हो जुन पाँच नानोमिटर प्रक्रिया प्रयोग गरेर बनाइन्छ। यो तथ्य हो कि यसका ट्रान्जिस्टरहरू पहिले भन्दा साना छन् र यसैले उच्च परफरमेन्स प्रस्ताव गर्न अधिक घनत्वयुक्त एक साथ प्याक गर्न सकिन्छ।
‘स्न्यापड्रागन ८८८ ले…स्मार्टफोनलाई पेशेवर क्यामरामा रूपान्तरण गर्नेछ,’ क्वालकमले एक प्रेस विज्ञप्तिमा भन्यो।
यो चिपले १२० वटा तस्वीरहरु १२ मेगापिक्सेल रिजोलुशन प्रति सेकेण्ड लिन सक्दछ जून यसअघिको चिपहरु भन्दा ३५ प्रतिशत तिब्र हो । बीबीसी
प्रकाशित: १८ मंसिर २०७७, बिहीबार
