भर्जिन हाइपरलूपद्धारा पहिलोपटक यात्रुसहितको नयाँ यातायात प्रणालीको परीक्षण

Technology Khabar २४ कार्तिक २०७७, सोमबार

भर्जिन हाइपरलूपद्धारा पहिलोपटक यात्रुसहितको नयाँ यातायात प्रणालीको परीक्षण
Classic Tech
Nepal Telecom

भर्जिन हाइपरलूपले यात्रुहरूसहित अमेरिकाको नेभादा मरूभूमिमा पहिलो पटक हाइपरलुपमार्फत यात्राको परीक्षण गरेको छ।

भविष्यको यातायात अवधारणाले भ्याकुम ट्यूब भित्रका पोडहरू समावेश गर्दछ जसले यात्रुहरूलाई उच्च वेगमा एक स्थानबाट अर्को स्थानमा लैजान्छ।

परीक्षणमा दुई यात्रुहरू (दुबै कम्पनीका कर्मचारीहरू) ले ५०० मिटरको परीक्षण ट्र्याक १५ सेकेण्डमै पुरा गरेका थिए । जसमा उनीहरुले १७२ किलोमिटर प्रति घन्टामा यात्रा गरेको कम्पनीले जानकारी दिएको छ।

जबकि यो १००० किलोमिटर प्रति घण्टा भन्दा बढिको यात्रा गति पुर्याउने भर्जिनको महत्वाकांक्षी योजना छ।

भर्जिन कम्पनी हाइपरलूप अवधारणाको विकास गर्ने एक मात्र फर्म होइन तर यस अघि कुनै कम्पनीले यात्रुहरू बोकेका छैनन्।

कम्पनीका दुई कर्मचारीहरु जोश गिजेल र सारा लुचियान कम्पनीको नेभादामा रहेको डेभलूप टेस्ट साइटमा गरिएको परीक्षणमा सहभागी रहेका थिए । उनीहरुले सामान्य ड्रेस लगाएर नै सो परीक्षण यात्रा गरेका थिए ।

२०१४ मा स्थापना भएको, भर्जिन हाइपरलूपले २०१७ मा भर्जिन समूहबाट लगानी प्राप्त गरेको थियो। यसलाई पहिले हाइपरलूप वन र भर्जिन हाइपरलूप वनको रूपमा चिनिन्थ्यो। एजेन्सी

TK Viber

प्रकाशित: २४ कार्तिक २०७७, सोमबार

Comments are closed.

Loading...