अब भारतीय टेलिकम कम्पनीहरूले विशेष अफरको बारेमा नियामकलाई जानकारी दिनुपर्ने

Technology Khabar २३ कार्तिक २०७७, आईतवार

अब भारतीय टेलिकम कम्पनीहरूले विशेष अफरको बारेमा नियामकलाई जानकारी दिनुपर्ने
Classic Tech
Nepal Telecom

भारतीय टेलिकम नियामक ‘ट्राई’ले सर्वोच्च अदालतमा भारती एयरटेल र भोडाफोन आइडियाको ट्यारिफ शुल्क र केही ग्राहकहरूको विशेष प्रस्तावको बारेमा जानकारी दिन आदेश दिएको थियो। जसमा पछि विवाद उत्पन्न भएको थियो ।

तर शुक्रबारको फैसलामा सर्वोच्च अदालतले ट्राईको यस मागलाई जायज ठहरायो र टेलिकम कम्पनीहरूलाई जानकारी उपलब्ध गराउन आदेश दिएको छ। टेलिकम रेगुलेटर अर्थोरिटी अफ इण्डिया(ट्राई) को मागको पक्षमा शुक्रबार सर्वोच्च अदालतले फैसला सुनाएको हो ।

तीन न्यायाधीशहरूको सो इजलासको अगुवाई प्रमुख न्यायाधीश एसए बोब्डे गरेका थिए । उनले आफ्नो निर्णयमा भने कि टेलिकम कम्पनीबाट सूचना लिनु ट्राईको अधिकार क्षेत्र भित्र पर्दछ। सर्वोच्च अदालतले ट्राईले माग गरेको जानकारी पारदर्शिताको लागि आवश्यक छ र पहिलो नजरमा यो गलत भएको लाग्दैन।

आफ्नो निर्णयमा इजलासले टेलिकम कम्पनीहरूलाई नियामकले सोधेको जानकारी प्रदान गर्न निर्देशन दियो।

तर बेन्चले ट्राईलाई भन्यो कि टेलिकम कम्पनीहरूले दिएको जानकारीहरु गोप्य राख्नु पर्नेछ र विशेष ख्याल राख्नु पर्छ। यी योजनाहरूको जानकारी कसैलाई पनि थाहा नदिन र विशेष रूपमा प्रतिस्पर्धी कम्पनीहरूलाई जानकारी नदिन आदेश दिएको छ।

इजलासले यस विषयमा अन्तिम फैसला अक्टोबर २७ मा गर्नेछ र दुबै पक्षको बहस सुनेपछि सुप्रीम कोर्टले यसको फैसला दिनेछ।

यसअघि टेलिकम नियामक ट्राईले टेलिकम कम्पनीहरूका लागि विशेष प्रस्तावहरूको बारेमा जानकारी दिन अनिवार्य बनाएको थियो। तर भोडाफोन-आईडिया र एयरटेलले ट्राईको निर्णयलाई स्वीकार गर्न अस्वीकार गरेका थिए।

यस पछि सो विवाद टेलीकम डिस्प्यूट सेटलमेन्ट एण्ड अपीलीय ट्राइब्यूनलमा पुगेको थियो भने पछि अदालतमा गएको थियो ।

टेलिकम कम्पनीहरूले यो प्रस्ताव योजना ट्यारिफ योजना नभएको र त्यसैले उनीहरुको बारेमा जानकारी दिन कुनै बाध्यता नभएको दाबी गरेका थिए । एजेन्सी

TK Viber

प्रकाशित: २३ कार्तिक २०७७, आईतवार

Comments are closed.

Loading...