अन्तर्राष्ट्रिय फिटनेस ब्राण्ड ‘फिटबिट’ नेपाली बजारमा आधिकारीकरुपमा आउँदै

Technology Khabar २० कार्तिक २०७७, बिहीबार

अन्तर्राष्ट्रिय फिटनेस ब्राण्ड ‘फिटबिट’ नेपाली बजारमा आधिकारीकरुपमा आउँदै
Classic Tech
Nepal Telecom

अन्तर्राष्ट्रिय फिटनेस ट्र्याकर ब्राण्ड फिटबिट नेपाली बजारमा आधिकारीकरुपमा प्रवेश गरेकोछ ।

फिटबिटलाई नेपाली बजारमा शारदा ग्रुपले भित्र्याएको हो भने ग्रुपअन्तरगतको बरुण इन्टरप्राइजेजले आधिकारीकरुपमा फिटबिटका उत्पादनहरु नेपाली बजारमा भित्र्याउने र बिक्री गर्नेछ ।

हाल कम्पनीले नेपाली बजारमा फिटबिटका ६ वटा विभिन्न उत्पादनहरु ल्याउने छ भने ती सबै पहिलो चरणमा ईकमर्श साइट दराज डटकमबाट आगामी ११.११ अनलाइन सेलमा बिक्री शुरु गर्ने कम्पनीले जानकारी दिएको छ ।

नेपाली बजारमा फिटबिट इन्स्पायर २, फिटबिट चार्ज ४, फिटबिट चार्ज ४ एसई, फिटबिट भर्सा २, फिटबिट भर्सा एसई, फिटबिट भर्सा ३ उपलब्ध हुनेछ ।

नेपाली बजारमा उपलब्ध हुने यी फिटबिट प्रडक्टहरुको मूल्य भने कम्पनीले सार्वजनिक गरेको छैन् ।

फिटबिट सन् २००७ मा स्थापना भएको कम्पनी हो जसले फिटनेसको क्षेत्रमा विभिन्न किसिमका उत्पादनहरु बजारमा ल्याएको छ । विशेषगरि यसले स्वास्थ्यसँग सम्बन्धित ग्याजेटहरु उत्पादन गर्दै आएको छ ।

विश्व बजारमा हाल फिटबिटका २ करोड ३० लाख भन्दा बढि सक्रिय प्रयोगकर्ताहरु छन भने कम्पनीले वार्षिक १.४ अर्ब डलर आम्दानी गर्ने गरेको छ ।

हाल फिटबिटलाई गूगलको अधिमा रहेको छ । गूगलले फिटबिटलाई सन् २०१९ मा २‍.१ अर्ब डलरमा अधिग्रहण गरेको थियो ।

TK Viber

प्रकाशित: २० कार्तिक २०७७, बिहीबार

Comments are closed.

Loading...