सुधिर पराजुलीको नेतृत्वमा आइस्पानमा नयाँ कार्यसमिति सर्वसम्मत चयन

Technology Khabar १९ कार्तिक २०७७, बुधबार

सुधिर पराजुलीको नेतृत्वमा आइस्पानमा नयाँ कार्यसमिति सर्वसम्मत चयन
तस्वीरः पराजुलीको फेसबुकबाट
Classic Tech
Nepal Telecom

इन्टरनेट सेवा प्रदायक संघ नेपाल (आइस्पान)ले नयाँ कार्यसमिति पाएको छ । इन्टरनेट सेवा प्रदायकहरुको छाता संगठनको रुपमा रहेको आइस्पानको अध्यक्षमा सुधिर पराजुली सर्बसम्मतरुपमा चयन भएका छन् ।

लामो समयदेखि इन्टरनेट तथा केबल टिभी सेवामा सक्रिय पराजुली सुबिसु केबलनेट प्रालिका अध्यक्ष हुन् ।

उनको नेतृत्वमा १० सदस्यिय कार्यसमिति समेत गठन भएको छ ।

त्यसैगरि आइस्पानको उपाध्यक्षमा प्रमेश खरेल चयन भएका छन् । उनी क्लासिक टेक प्रालिका संचालक हुन् ।

आइस्पानको महासचिवमा नविन कुमार श्रेष्ठ चयन भएका छन् भने कमल प्रसाद बास्तोला सचिव चयन भए ।

कोषाध्यक्षमा पुस्कर सिंह बडाल चयन भएका छन भने वरिष्ठ सल्लाहकारमा बिजय जलान, बिनय बोहरा र विनय मोहन साउदलाई चुनिएको छ ।

आइस्पानको कार्यसमिति सदस्यमा भने विनोद तिमल्सिना र सुरेन क्षेत्री चयन भएका छन् ।

इन्टरनेट तथा केबल टिभी दुबै सेवा व्यवसायमा आबद्ध रहेका पराजुली केबल टिभी प्रसारकहरुको संस्था नेपाल केबल टिभी महासंघको अध्यक्ष समेत हुन् ।

उनले अहिलेको समयमा दुबै क्षेत्र एकआपसमा नजिक रहेको टेक्नोलोजीखबरलाई बताए । उनले दुबै क्षेत्रको समस्या उस्तै रहेको भन्दै अहिले दुबै क्षेत्र एकसाथ मिलेर जानुपर्ने र स्पष्ट पारे।

उनले आज जूम मिटिङ्गमार्फत मात्र नयाँ कार्यसमिति चयन भएको र औपचारिकरुपमा निर्णय हुन भने बाँकी रहेको जानकारी दिए।

आइस्पानको नयाँ निर्वाचित कार्यसमितिको बारेमा औपचारिकरुपमा माइन्यूनटसहित निर्णय भएसँगै नयाँ कार्यसमितिको घोषणा हुनेछ ।

TK Viber

प्रकाशित: १९ कार्तिक २०७७, बुधबार

Comments are closed.

Loading...