एभरेष्ट बैंकले भन्यो- चिठ्ठा परेको भन्दै रकम जम्मा गर्न ‘फ्रड कल’ आएमा जानकारी दिनुस्

Technology Khabar १६ कार्तिक २०७७, आईतवार

एभरेष्ट बैंकले भन्यो- चिठ्ठा परेको भन्दै रकम जम्मा गर्न ‘फ्रड कल’ आएमा जानकारी दिनुस्
Classic Tech
Nepal Telecom

पछिल्लो समय विदेशबाट चिठ्ठा परेको भन्दै ‘फ्रड कल’ गर्ने प्रवृत्ति बढेको हुँदा सर्तक रहन एभरेष्ट बैंकले ग्राहकहरुलाई सचेत गराएको छ ।

चिठ्ठा परेको प्रलोभन देखाई कर बराबरको रकम बैंक खातामा जम्मा गर्न लगाउने नाममा ठगी भएको भन्दै बैंकले सतर्क गराएको हो ।

हालै सो समस्या बढ्दै गएपछि बैंकले सार्वजनिक सूचना नै जारी गरेर सबैलाई सचेत गराएको हो ।

विगत केही समयदेखि नेपाल, भारत, पाकिस्तान लगायत अन्य मुलुकको मोबाइल नम्बरबाट विभिन्न प्रलोभन देखाउँदै एभरेष्ट बैंक लिमिटेडको खाता नम्बरमा रकम जम्मा गर्न लगाइएको सन्दर्भमा बैंकले गम्भीर ध्यानाकर्षण भएको बताएको छ ।

सो बारेमा बैंकले भ्रामक एवम् निराधार सूचनामा विश्वास नगर्नुहुन सम्पूर्ण ग्राहक अनुरोध गरेको छ भने त्यस्तो किसिमको फोन कल वा कुनै सूचना प्राप्त भएमा बैंकको नजिकैको शाखा कार्यालयमा वा नजिकैको प्रहरी कार्यालयमा जानकारी गराई सचेत सबैसँग अनुरोध गरेको छ ।

*हेडलाईन सम्पादन

TK Viber

प्रकाशित: १६ कार्तिक २०७७, आईतवार

Comments are closed.

Loading...