Technology Khabar १५ कार्तिक २०७७, शनिबार
काठमाडौं ।
नेपाल टेलिकमले कुनैपनि मोबाइल नम्बरबाट एकै परिवारका वा साथीभाईहरुलाई सस्तोमा सम्पर्क गर्ने सुबिधा दिएको छ । तर यसबारेमा धेरैलाई जानकारी नै छैन् ।
नेपाल टेलिकमको ‘फ्रेन्ड्स एन्ड फ्यामिली’ कल सेवामार्फत कुनैपनि नम्बरबाट पाँचजना परिवार तथा साथीसँग सस्तो मूल्यमा कुरा गर्न सकिन्छ ।
‘फ्रेन्ड्स एन्ड फ्यामिली’ कल सेवामार्फत प्रतिमिनेट ५५ पैसामा जनुसुकै समयमा टेलिकमकै नम्बरमा कल गर्न सकिन्छ तर त्यसको लागि तपाँईँले केहि विषयहरुलाई भने ध्यानमा राख्नुपर्नेछ ।
यो सेवामा नेपाल टेलिकमका प्रयोगकर्ताले टेलिकमकै नेटवर्क भित्रका पाँचवटा जनुसुकै नम्बरहरु रोज्न सक्नेछन् । र त्यसलाई आफ्नो नेटवर्कभित्र राख्न सक्नेछन् ।
यसरी गर्नुहोस् ‘फ्रेन्ड्स एन्ड फ्यामिली’ सेवा सुचारु
तपाईँले आफ्नो मोबाइलबाट ‘फ्रेन्ड्स एन्ड फ्यामिली’ सेवा लिनका लागि पहिले त्यसलाई एक्टिभ गर्नुपर्ने हुन्छ र यसरी एक्टिभ गर्न सकिन्छ ।
(उदाहरणको लागि FNFSUB*९८४१६८८… लेखेर १४१५ मा पठाउने।)
तपाईंको स्मार्टफोनको ब्याट्री लामो समय सम्म टिकिरहनेछ, यी ५ विषयहरुलाई ध्यान दिनुस्
यो सेवा लिएपछि तपाईँले तोकिएको समय अवधिमा कुनैपनि नम्बर हटाउन र थप गर्न सक्नुहुनेछ । तर याद गर्नुहोस् नेपाल टेलिकमको ‘फ्रेन्ड्स एन्ड फ्यामिली’ सेवामा ५ वटा भन्दा बढि नम्बर भने राख्न सकिँदैन् ।
अब तपाईँले धेरै समयसम्म कुरा गर्नुपर्ने वा गर्न चाहेको मान्छेसँगै करिब आधा सस्तो मूल्यमा नै लामो समयसम्म कुरा गर्नसक्नुहुनेछ ।
प्रकाशित: १५ कार्तिक २०७७, शनिबार