एन्ड्रोइड प्रयोगकर्ताहरुका लागि ह्वाट्सएपले आईफोनको यो फिचर ल्याउँदै

काठमाडौं ।

ह्वाट्सएप अहिलेको समयमा सबैभन्दा अधिक प्रयोग गरीने इन्स्ट्यान्ट मेसेजिङ्ग एप हो। कम्पनीले निरन्तर यसमा नयाँ सुविधाहरु ल्याईरहेको छ र अब एक नयाँ सुविधा एन्ड्रोइडको लागी आउँदैछ।

ह्वाट्सएपमा एप लकको सुविधा पहिले नै दिइएको छ। फिंगरप्रिन्ट अनलक एन्ड्रोइडको लागि उपलब्ध छ, जबकि फेस अनलक फेस आईडीको साथ आईफोनहरूको लागि पनि प्रदान गरिएको छ।

डब्लुएबीटाइन्फोको एक रिपोर्टका अनुसार, ह्वाट्सएपले आउँदो समयमा एन्ड्रोइड इन्टरफेसलाई बायोमेट्रिक लकद्धारा फिंगरप्रिन्ट लकलाई प्रतिस्थापन गर्नेछ।

डब्लूएबीटाइन्फोले स्क्रीनशट पनि साझा गरेको छ जहाँ बायोमेट्रिक लकको अप्सन देख्न सकिन्छ। यसबाट, अब अनुमान गरिएको छ कि कम्पनीले एन्ड्रोइडको लागि फेस अनलक फिचर पनि जारी गर्नेछ।

नयाँ सुविधाले यो पनि भन्यो कि अनलक बायोमेट्रिक एनेबल भएको बेलामा फिंगरप्रिन्ट्स, अनुहार र अन्य अद्वितीय पहिचानकर्ताहरू मार्फत ह्वाट्सएप अन गर्न सक्षम हुनेछ। यहाँ यो पनि लेखिएको छ कि ह्वाट्सएप लक भएको अवस्थामा पनि तपाईँले आएको कललाई उत्तर दिन सक्नुहुनेछ।

त्यहाँ बायोमेट्रिक लक भित्र तीन अप्सनहरू छन् (तत्काल, १ मिनेट पछि ३० मिनेट पछिImmediately, After 1 minutes र After 30 minutes)। यी मध्ये कुनै एक चयन गर्न सकिन्छ र सो समयपछि तपाईंलाई ह्वाट्सएप अन गर्नका लागि बायोमेट्रिक प्रमाणीकरण को आवश्यक हुनेछ।

हाल धेरै जसो एन्ड्रोईड स्मार्टफोन निर्माताहरूले एन्ड्रोइडमा आधारित फेसियल अनलक फिचर प्रस्ताव गर्दछन जुन फ्रन्ट क्यामरामा आधारित छ। तर आईफोनको फेस आईडीका लागि जस्तै, यसका लागि छुट्टै सेन्सरहरू इन्स्टल गरिएको छैन।

हाल ह्वाट्सएपको यो फिचर परीक्षणकै क्रममा रहेको छ र कम्पनीले केहि समयपछि यसलाई लन्च गर्नेछ।