पाकिस्तानले हटायो भिडियो शेयरिङ्ग एप टिकटक माथिको प्रतिबन्ध

Technology Khabar ४ कार्तिक २०७७, मंगलवार

पाकिस्तानले हटायो भिडियो शेयरिङ्ग एप टिकटक माथिको प्रतिबन्ध
Classic Tech
Nepal Telecom

पाकिस्तानले भिडियो शेयरिङ्ग एप टिकटकमाथिको प्रतिबन्ध हटाएको छ।

पाकिस्तानले यसअघि एपले अश्लिलता फैलाएको आरोप लगाउँदै प्रतिबन्धको घोषणा गरेको थियो। तर सो प्रतिबन्ध ११ दिन पनि बित्न नपाउँदै फुकुवा गरिएको हो ।

पाकिस्तानको दूरसंचार प्राधिकरणले सोमबार टिकटकमाथिको प्रतिबन्ध हटाएको जानकारी दिएको छ । प्रतिबन्ध हटेपनि नियामक निकायले टिकटकलाई कडा चेतावनी दिँदै आगामी दिनमा ससक्त मोडरेट गर्न निर्देशन दिएको छ ।

प्राधिकरणले टिकटकका वरिष्ठ अधिकारीहरुसँगको बैठकपछि सो एपको प्रतिबन्ध हटाएका हुन् । उनीहरुले पाकिस्तानको कानून पालना गर्ने सामाजिक दायरामा रहने बताएको रिपोर्टमा उल्लेख छ ।

अश्लिलता फैलाउने सबै प्रयोगकर्ताको खाता ब्लक गरेकाले सोमाथिको प्रतिबन्ध हटाएको जनाएको छ।

कम्पनीले भने प्रतिबन्ध हटाएसँगै थप लगानी गर्ने आश्वासन समेत दिएको बताईएको छ ।

पाकिस्तानभन्दा अगाडी भारतले राष्ट्रिय सुरक्षा र आफ्ना नागरिकको तथ्यांकको गलत प्रयोग हुनसक्ने भन्दै टिकटकसहित १०० भन्दा बढि चिनियाँ एप्समा प्रतिबन्ध लगाएको छ। अमेरिकामा पनि टिकटकको विवाद अझै समाधान भएको छैन् । एजेन्सी

TK Viber

प्रकाशित: ४ कार्तिक २०७७, मंगलवार

Comments are closed.

Loading...