Technology Khabar २९ आश्विन २०७७, बिहीबार
काठमाडौं ।
भिडियो कन्फ्रेन्सिङ्ग कम्पनी जूम भिडियो कम्युनिकेशन्स इंकले आफ्ना प्रयोगकर्ताहरुको लागि यूजर कन्फ्रेन्स गर्नेभएको छ ।
कम्पनीले यहि अक्टुबर १५ र १६ तारिखमा भर्चुअल माध्यमबाट यूजर्स कन्फ्रेन्स गर्न लागेको हो ।
जूमले हालै सबै प्रयोगकर्ताहरुलाई सो बारेमा ईमेल पठाएर जूमटोपिया २०२० लाईभ हेर्न सूचित गरेको छ ।
कम्पनीकाअनुसार जूमटोपियामा कम्पनीले आफ्ना नयाँ प्रडक्ट र अफरहरु घोषणा गर्ने अपेक्षा गरिएको छ ।
सो यूजर कन्फ्रेन्सलाई कम्पनीका सिईओ एरिक एस यूआनले सम्बोधन गर्नेछन जसमा कम्पनीले आगामी दिनमा एकिकृत कम्युनिकेशन्स सर्भिस घोषणा गर्ने अनुमान गरिएको छ ।
त्यसैगरि कम्पनीले टेलिहेल्थको बारेमा थप जानकारि दिनसक्ने अनुमान छ भने डिस्टान्स लर्निंगका लागि प्राइभेसी र सेक्यूरिटीलाई ससक्त पार्ने किसिमको टूल ल्याउने अनुमान छ ।
सो कार्यक्रम नेपाली समयअनुसार बेलुकी ८ः४५ बजे हुनेछ ।
यदि तपाईँपनि यसलाई लाईभ हेर्न चाहनुहुन्छ भने यहाँ क्लिक गरेर लगईन गरि सहभागी हुन सक्नुहुनेछ ।
प्रकाशित: २९ आश्विन २०७७, बिहीबार