गूगलले २४० भन्दा बढी एन्ड्रोइड एप ब्लक गर्यो, तपाईँपनि फोनबाट ती एप्सलाई डिलिट गरिहाल्नुस्

Technology Khabar २६ आश्विन २०७७, सोमबार

गूगलले २४० भन्दा बढी एन्ड्रोइड एप ब्लक गर्यो, तपाईँपनि फोनबाट ती एप्सलाई डिलिट गरिहाल्नुस्
Classic Tech

गूगलले आफ्नो प्ले स्टोरबाट करीब २४० वटा मोबाइल एपहरुलाई हालै हटाईदिएको छ ।

एन्ड्रोइड फोनमा रहेका ती एपले प्रयोगकर्तामाथि गूगलको नियम उलंघन गरेको र अनधिकृत गतिबिधि गरेको पाएसँगै गूगलले ब्लक गरिदिएको हो ।

ती २ सय ४० वटा एपले एन्ड्रोइड प्रयोगकर्ताहरुलाई विभिन्न किसिमका अनावश्यक विज्ञापनहरु देखाउने लगायतका कार्य गरीरहेका थिए र गूगलको नियम उल्लंघन गर्ने गरेका थिए।

गूगलको सेक्युरिटी समूहले ती एप्लिकेसनविरुद्ध कारवाही गर्ने निर्णय गरेसँगै एपहरुलाई ब्लक गरिएको हो । त्यसरी ब्लक भएका एपहरुमा अधिकांश RAINBOWMIX ग्रुपका रहेका छन् । जसमा पुराना गेमहरु समेत छन् ।

सो ग्रुपका एपहरु हरेक दिन झण्डै १ करोड ४० लाख मानिसहरुले प्रयोग गर्दै आएका छन् । ती एपहरुले प्याकर सफ्टवेयरको माध्यमबाट हरेक दिन १ करोड ५० लाख प्रयोगकर्तासामु विभिन्न खालका विज्ञापनहरु देखाउने गरेका थिए ।

अनावश्यक तथा भ्रमपूर्ण विज्ञापन देखाएर दुःख दिएका ती एपहरु ब्लक गरेसँगै गूगलले आफ्ना एन्ड्रोइड फोनबाट RAINBOWMIX ग्रुपका एपहरु भएमा तत्कालै डिलिट गर्न यूजर्सलाई आग्रह गरेको छ ।

लामो समयदेखि गूगलका नियमहरु उल्लंघन गर्दै आएको उक्त ग्रुपका विषयमा विषयमा शोधकर्ताहरुले White Ops नामक संस्थाको सहयोगमा यो स्क्यामको खुलासा गरेका थिए ।

वास्तवमा अनावश्यक एपहरुका कारण फोन प्रयोगकर्ताहरुलाई प्रयोगमा असहजता हुने मात्र होइन फोनको स्पीडमा पनि नकारात्मक असर पर्दछ । सोही कारण गूगलले यस्तो कदम चालेको हो । एजेन्सी

TK Viber

प्रकाशित: २६ आश्विन २०७७, सोमबार

Loading...