Technology Khabar २३ आश्विन २०७७, शुक्रबार
काठमाडौं ।
ह्वावेले आफ्नो सब ब्राण्ड अनरलाई बिक्री नगर्ने स्पष्ट देखिएको छ । यसअघि कम्पनीले अनर(Honor) ब्राण्ड बिक्री गर्ने संचारमाध्यममा रिपोर्ट आएको थियो ।
बजार विश्लेषक मिंग चि कुओले अमेरिकी प्रतिबन्धको दबाब थेग्न नसक्ने र कम्पनीले सब ब्राण्ड बिक्री गर्ने बताएको छ।
उनले ह्वावेले प्रतिबन्धको सामना एक्लै गर्ने र अनरलाई बिक्री गर्ने बताएका थिए । उनको भनाईलाई चिनियाँ आईटिहोम डटकमले प्रकाशित गरेसँगै चर्चामा आएको थियो । तर सो समाचार पछि हटाईएको थियो ।
उनको भनाईअनुसार अनर बिक्री भएसँगै कम्पनीलाई प्रतिबन्ध लाग्ने छैन र विभिन्न खरिद बिक्रीको कार्य सहज गर्न सक्नेछ । जसअन्तरगत चिपसेट र अन्य हार्डवेयर किन्न सक्नेछ ।
तर सो समाचार हटाईएसँगै ह्वावेले अनर ब्राण्डलाई सँगै लाने देखिएको स्पष्ट भएको बताईएको छ । वेबोमा आधारित भएर आएका रिपोर्टअनुसार कम्पनीका कर्मचारीहरुले कुओको अनुमानलाई खण्डन गरिरहेका छन् ।
यसको अर्थ हाल ह्वावेले अनरलाई बिक्री गर्ने कुनै योजना छैन् ।
प्रकाशित: २३ आश्विन २०७७, शुक्रबार
