माछापुच्छ्रे बैंकको २०-२० स्मार्ट योजना, कार्डमार्फत भुक्तानी गर्दा २० प्रतिशत क्यासब्याक पाईने

Technology Khabar १९ आश्विन २०७७, सोमबार

माछापुच्छ्रे बैंकको २०-२० स्मार्ट योजना, कार्डमार्फत भुक्तानी गर्दा २० प्रतिशत क्यासब्याक पाईने
Classic Tech
Nepal Telecom

बैंक स्थापनाको २० बर्ष पूरा गरि २१ औँ वर्षमा प्रवेश गरेको अवसरमा माछापुच्छ्रे बैंकले ग्राहक लक्षित २०-२० (ट्वान्टी–ट्वान्टी) स्मार्ट योजना संचालनमा ल्याएको छ ।

चाडबाडको समयमा हुने किनमेललाई ध्यानमा राख्दै बैंकले डेविट तथा क्रेडिट कार्ड र मोबाइल बैंकिङ्गका प्रयोगकर्ताहरुलाई लक्षित गरी क्यासव्याक अफर संचालनमा ल्याएको हो ।

उक्त अफर योजना अन्तर्गत ग्राहकहरुले माछापुच्छ्रे बैंकको डेविट कार्ड तथा क्रेडिट कार्डबाट पीओएस वा इ-कमर्श साइटहरुमा भुक्तानी गर्दा साथै मोबाइल बैंकिङ्गबाट क्युआर कोड स्क्यान गरी भुक्तानी गर्दा २० प्रतिशत वा बढिमा २०० सम्मको क्यासव्याक अफर प्राप्त गर्न सक्ने बैंकले जनाएको छ ।

बैंकको २० औँ वार्षिकोत्सवको अवसरमा २० दिनसम्म संचालन हुने २० प्रतिशत क्यासव्याक अफरमा सहभागी भई क्यासव्याक प्राप्त गर्न ग्राहकहरुले क्यासब्याक अवधिभर कम्तीमा २०० बरावरको २ वटा छुट्टाछुट्टै कारोबार गर्नुपर्नेछ।

कोभिड १९ को जोखिम बढि नै रहेको र चाडबाडको समय नजिकिदै गइरहेको समयमा डिजिटल कारोबारलाई प्रोत्साहित गर्न बैंकले उक्त २०–२० स्मार्ट योजना संचालनमा ल्याएको हो ।

स्थापना कालदेखि नै नयाँ नयाँ प्रविधिमा आधारित सेवा सुविधा ग्राहकमाझ ल्याउन कटिवद्ध रहेको माछापुच्छ्रे बैंक पुर्व देखि पश्चिम साथै हिमाल देखि पहाड, र तराईसम्म आफ्ना १६० वटा शाखाहरु, १३३ शाखारहित बैकिङ्ग सेवा र ५ एक्सटेन्सन काउण्टर मार्फत ग्राहकलाई अत्याधुनिक प्रविधिसहित सम्पुर्ण बैंकिङ्ग सुबिधा प्रदान गरीरहेको जनाएको छ ।

TK Viber

प्रकाशित: १९ आश्विन २०७७, सोमबार

Comments are closed.

Loading...