सामाजिक सुरक्षा कोषका भुक्तानीहरु अनलाइनबाटै हुने

Technology Khabar १५ आश्विन २०७७, बिहीबार

सामाजिक सुरक्षा कोषका भुक्तानीहरु अनलाइनबाटै हुने
Classic Tech

सामाजिक सुरक्षा कोषका भुक्तानीहरु अब अनलाईनबाटै लाभग्राहीको बैंक खातामा जम्मा हुने भएको छ ।

कोषले राष्ट्रिय वाणिज्य बैंक मार्फत एनसीएचएलको नेशनल पेमेन्ट्स इन्टरफेस (एनपीआई)को प्रयोग गरी भुक्तानीहरु अनलाईनबाटै गर्ने भएको जानकारी दिएको हो ।

हाल कोषले उपदान सम्बन्धी भुक्तानीका साथै आश्रित परिवार, दुर्घटना र अशक्तता सुरक्षा योजना, औषधि उपचार, स्वास्थ्य तथा मातृत्व सुरक्षा योजना लगायतका आफ्ना भुक्तानीहरु एनपीआईमा जोडिएका कनेक्ट आईपीएस ई पेमेन्ट प्रणाली मार्फत् रियल टाइम र एनसीएचएल आईपीएस मार्फत नन-रियल टाइममा जम्मा हुने व्यवस्था गरेको छ ।

कोषले लाभग्राहीको दाबी अनुरोध संगै बुझाइएको बैंक खाताका विवरण अनुरुप अनलाईन भुक्तानी प्रदान गर्नेछ । पहिले चेक मार्फत गर्ने गरिएका यी भुक्तानीहरु अब पूर्ण स्वचालित रुपमा अनलाईनबाटै हुनेछ ।

रोजगारदाताले कोषको अनलाईन एसओएसवाईएस प्रणालीमा आफूलाई रजिष्टर गराई आफ्ना श्रमिकहरुका हकमा गर्ने योगदानमा आधारित रकमको संकलन गत वर्षदेखि नै कनेक्ट आईपीएस ई पेमेन्ट तथा यसका सदस्य बैंक वित्तिय संस्थाका शाखाहरु मार्फत् आफ्नो नेपाल बैंकमा रहेको खातामा गर्दै आएको छ ।

प्रकाशित: १५ आश्विन २०७७, बिहीबार

Comments are closed.

Loading...