Technology Khabar १२ आश्विन २०७७, सोमबार
काठमाडौं ।
गूगलले यस हप्ता आधिकारिक प्ले स्टोरबाट १७ एन्ड्रोइड एपहरू हटाएको छ। यी १७ वटा एप्सलाई जेसकेलरका सुरक्षा अन्वेषकहरूद्वारा पत्ता लगाईएको थियो जुन ‘जोकर’ नामक मालवेयरबाट संक्रमित थिए।
‘यी स्पाइवेयरहरु एसएमएस सन्देशहरू, सम्पर्क सूचीहरू, र उपकरण जानकारी चोरी गर्नका लागि तथा पीडितलाई चुपचाप प्रिमियम वायरलेस एप्लिकेसन प्रोटोकल (डब्ल्यूएपी-WAP) सेवाहरूको लागि साइन-इन गर्न डिजाइन गरिएका हुन्,’ जेसकेलरका सेक्यूरिटी रिसर्चर विरल गान्धीले भने।
१७ वटा मालिसियस एपहरू यसै महिना मात्र प्ले स्टोरमा अपलोड गरिएका थिए र पत्ता लगाउनुभन्दा पहिले १ लाख २० हजार भन्दा बढी पटक डाउनलोड गरिसकिएको थियो।
यी १७ एप्सको नाम यसप्रकार छन् –
यसको आन्तरिक प्रक्रियाहरू पछ्याउँदै, गूगलले यी एप्सलाई प्ले स्टोरबाट हटायो, संक्रमित डिभाइसहरुमा यी एपहरू डिसएबल गर्नका लागि प्ले प्रोटेक्ट सेवा प्रयोग गरेको छ, तर प्रयोगकर्ताहरूले अझै म्यानुअलरुपमा उनीहरूको डिभाइसहरूबाट एपहरू हटाउन आवश्यक छ।
जोकर संक्रमित एपहरूको समूहमा विगत केही महिनामा गूगलको सुरक्षा टोलीबाट तेस्रो यस्तो एक्सन लिईएको हो । एजेन्सी
प्रकाशित: १२ आश्विन २०७७, सोमबार