एपिक गेम्सको चेतावनी: आईओएस १४ अपडेट गरेमा ‘फोर्टनाइट’ गेम अनस्टल हुने

Technology Khabar ११ आश्विन २०७७, आईतवार

एपिक गेम्सको चेतावनी: आईओएस १४ अपडेट गरेमा ‘फोर्टनाइट’ गेम अनस्टल हुने
Classic Tech
Nepal Telecom

यदि तपाईं आईओएस प्रयोगकर्ता हुनुहुन्छ र तपाईंलाई फोर्टनाइट मनपर्दछ भने तपाईंले एप्पलको नयाँ अपरेटिंग सिस्टम आईओएस १४ अपडेटबाट टाढा रहनुहोस् ।

यसअघिदेखि दुबैबिच भईरहेको विवादलाई स्मरण गर्नुहोस जसमा एप्पलको एप स्टोर नीतिहरुको बारेमा एपिक गेम्ससँग केही गम्भीर मुद्दाहरू रहेका छन्।

यहि कारणले गर्दा एप स्टोरबाट एपिकको फोर्टनाइटलाई हटाईने भएको छ ।

नतिजा स्वरुप नयाँ आईफोन प्रयोगकर्ताहरूले यस खेललाई एप स्टोरबाट डाउनलोड गर्न सक्दैनन्। यसबाहेक, कम्पनीले फोर्टनाइट खेलाडीहरूलाई चेतावनी दिदैछ कि आईओएस १४ लाई अपडेट गर्दा यसले “फोर्टनाइट” गेमहरु अनस्टल हुन सक्छ।

‘फोर्टनाइट आईओएस १४ मा काम नगर्न सक्छ,’ फोर्टनाइट स्ट्याटस एकाउन्टले गत बुधवार ट्वीट गरेर जानकारी दिएको छ।

यदि तपाइँले एक सन्देश हेर्नुभयो जसमा सफ्टवेयर अपडेट इन्स्टल गर्न तपाइँलाई अस्थायी रूपमा एप्स हटाउन अनुरोध गरिएको छ भने यसलाई स्वीकार नगर्नु उत्तम हो। यदि तपाइँले सो संदेशअनुसार स्वीकार गरेर अपडेट गर्नुहुन्छ भने, फोर्टनाइट सम्भवतः त्यसबाट हट्ने पहिलो एप हुनेछ र यो फिर्ता आउँदैन।

एप्पलले आईओएस अपडेटहरूको लागि ठूलो ठाउँ बनाउन एप्सलाई अस्थायी रूपमा मेटाउने विकल्प प्रदान गर्दछ। जहाँसम्म, यदि ‘फोर्टनाइट’ आईफोनबाट अनस्टल गरियो भने, यसलाई पछि पुन इन्स्टल गर्न गाह्रो हुनेछ।

एपिक गेम्सको आधिकारिक सिफारिश यो छ कि प्रयोगकर्ताहरूले पहिले ‘क्यान्सिल’ थिच्नुहोस्, र त्यसपछि ‘सेटिंग्स’मा गएर ‘जनरलमा’ जानुहोस र त्यहाँ ‘आईफोन स्टोरेज’ खाली गर्न सकिनेछ ।

दुबैबीच यसअघि देखि नै इन-एप पर्चेजमा एप्पलले लिँदै आएको ३० प्रतिशत कमिशनमा विवाद हुँदै आएको छ । जसले गर्दा एपिकले एप स्टोर र गूगल प्ले स्टोरबाट आफ्नो एप हटाएको छ । एजेन्सीका साथ

TK Viber

प्रकाशित: ११ आश्विन २०७७, आईतवार

Comments are closed.

Loading...