Technology Khabar ११ आश्विन २०७७, आईतवार
काठमाडौं ।
ट्विटर इंकका प्रमुख कार्यकारी ज्याक डोर्सीले शुक्रवार इरान र चीन जस्ता देशका नेताहरूलाई ट्वीटर प्रयोग गर्ने अनुमति दिने नीतिलाई प्रतिवाद गरे ।
तर उनले सोशल मिडिया प्लेटफर्मले विश्वव्यापी रूपमा राज्यसँग सम्बद्ध रहेका एकाउन्टहरूको लेबलिंग विस्तार गर्ने योजना बनाएको बताएका छन्।
न्यू योर्कमा आधारित गैरनाफामुखी मानव अधिकार फाउण्डेशनद्वारा आयोजित भर्चुअल ओस्लो फ्रीडम फोरमको दौरान, डोर्सीले भने कि ट्विटरले धेरै देशहरूमा एकाउन्टको लेबल लगाएर प्रयोगकर्ताहरूलाई राज्यसँग सम्बद्ध खाताहरूबाट ट्वीट गरिएको जानकारीको लागि अधिक प्रसंग दिने छ ।
ट्विटरले सर्वप्रथम गत महिना लेबलिङको घोषणा गरेको थियो, तर शुरुमा यसलाई चीन, फ्रान्स, रसिया, बेलायत र संयुक्त राज्यका एकान्टहरूमा मात्र लागू गरियो।
यसले कुनैपनि देशको राज्यसँग सम्बन्धित मानिसहरु वा संस्थाहरुको ट्विटर एकाउन्टलाई स्टेट अफिलिएटेड भनेर उल्लेख गर्न शुरु गरेको छ जसले गर्दा राज्यसम्बन्धित एकाउन्टहरु पहिचान गर्न सहज हुने कम्पनीको अपेक्षा छ ।
अब भने सामाजिक प्लेटफर्मले बिस्तरै यसलाई सबै देशहरुमा फैलाउने योजना गरेको हो ।
डोर्सीले भने कि कम्पनीले सिग्नलहरू प्रयोग गरिरहेको छ जसमा उदाहरणको लागि नयाँ एकाउन्टहरूको समूहहरू कहिले सिर्जना हुन्छन्, र कति चाँडै तिनीहरूले केही विषयहरूको बारेमा ट्वीट गर्न शुरू गर्दछन्, जसले छद्मनाम अन्तर्गत कार्यकर्ताहरूलाई सुरक्षा दिदै भ्रामक अभियान गर्दछन त्यसलाई रोक्न प्रयोग गरिनेछ । रोयटर्स
प्रकाशित: ११ आश्विन २०७७, आईतवार