चन्द्रमामा सन् २०२४ सम्ममा अन्तरिक्ष यात्रीहरु पठाउने नासाको योजना

Technology Khabar ६ आश्विन २०७७, मंगलवार

चन्द्रमामा सन् २०२४ सम्ममा अन्तरिक्ष यात्रीहरु पठाउने नासाको योजना
Classic Tech

अमेरिकी अन्तरिक्ष एजेन्सी (नासा) ले सन् २०२४ सम्ममा २८ अर्ब डलरको चन्द्रमामा फर्कने योजना औपचारिक रूपरेखा बनाएको छ।

आर्टेमिस भनिने कार्यक्रमको एक भागको रूपमा, नासाले एक पुरुष र एक महिलालाई सन् १९७२ मा मानव अवतरण भएपछि पहिलो पटक चन्द्र सतहमा पठाउनेछ।

तर एजेन्सीको समयरेखा अवतरण प्रणाली निर्माणको लागि अमेरिकी कंग्रेसले दिने ३.२ अर्ब डलरको बजेटमा निर्भर रहेकोछ ।

एस्ट्रोनट्स अपोलो जस्तो क्याप्सुलमा यात्रा गर्नेछन जसलाई ओरियन भनिन्छ र यसलाई एसएलएस भनिने शक्तिशाली रकेटमा प्रक्षेपण गरिनेछ।

सोमबार बोल्दै नासाका प्रशासक जिम ब्रिडनस्टाइनले भने, ‘२८ अर्ब डलरले आर्टिमिस कार्यक्रमको लागि आगामी चार वर्षमा चन्द्रमामा अवतरण हुने खर्चलाई प्रतिनिधित्व गर्दछ। यसमा एसएलएस कोष, ओरियन कोष, मानव अवतरण प्रणाली र स्पेससूटहरू-ती सबै चीजहरू जो आर्टेमिस कार्यक्रमको हिस्सा हुन्।’

उनले यसमा कंग्रेससँग सन् २०२१ को लागि ३.२ अर्ब डलर बजेट मागिएको जानकारी दिए ।

अमेरिकी प्रतिनिधि सभाले लूनार ल्याण्डरको लागि ६०० मिलियन डलर छुट्याउने विधेयक पहिले नै पारित गरिसकेको छ। तर नासालाई पूर्ण रुपमा भेहिकल विकास गर्न अधिक रकम चाहिनेछ। बीबीसी

प्रकाशित: ६ आश्विन २०७७, मंगलवार

Comments are closed.

Loading...