सिद्धार्थ हस्पिटालिटीको सेवा मोबाइलबाटै उपलब्ध, एपमार्फत अर्डर गर्दा १५ प्रतिशत छुट पाईने

Technology Khabar ६ आश्विन २०७७, मंगलवार

सिद्धार्थ हस्पिटालिटीको सेवा मोबाइलबाटै उपलब्ध, एपमार्फत अर्डर गर्दा १५ प्रतिशत छुट पाईने
Classic Tech

हस्पिटालिटी सेवामा झन्डै २५ वर्ष लामो अनुभव बोकेको सिद्धार्थ हस्पिटालिटीले आफ्नो सेवा मोबाइल एपबाट उपलब्ध गराउन सुरु गरेको छ ।

सिद्धार्थले काठमाण्डौं देखि पश्चिम महेन्द्रनगर र पूर्व बिर्तामोड सम्म देशका विभिन्न २४ स्थानमा शाखा सञ्चालन गर्दै आएको छ । उक्त एप डाउनलोड गर्नका लागि मोबाइलको प्ले स्टोर तथा एप स्टोरमा गई सिद्धार्थ सर्भिस टाइप गरी डाउनलोड गर्न सकिनेछ ।

एपबाट खानाका विभिन्न परिकार अर्डर गर्ने देखि होटलका कोठाहरु बुक गर्न र अनलाइन बाटै संसारभरि बाट बिलको पैसा तिर्न सकिनेछ । विदेशमा बस्नुहुनेले नेपालमा रहनुभएका परिवार, आफन्त र साथीहरुलाई विभिन्न अवसरमा हाम्रो सेवा प्रयोग गरी विभिन्न उपहारहरु दिन सक्नुहुनेछ ।

उक्त सेवा प्रयोग गरे वापत खल्ती, इसेवा, भिसा र मास्टर कार्डको प्रयोग गरी स्वदेश तथा विदेशबाट भुक्तानी गर्न सकिने जानकारी दिएको छ।

सिद्धार्थले आफ्ना रेगुलर ग्राहकलाई आफ्नो सदस्यता कार्ड उपलब्ध गराउँदै आएको छ । हाल सम्म दस हजार बढी ग्राहकले यो सेवा प्रयोग गर्दै आएका छन् ।

जसलाई सिल्भर, गोल्ड र प्लाटिनम मेम्बर गरि ३ प्रकारमा विभाजन गरिएको छ र कम्पनीले विभिन्न समयमा विभिन्न अफर डिस्काउन्ट प्याकेज र स्कीमजस्ता सुविधाहरु साथै आफुले तिरेको रकमबाट बोनससमेत उपलब्ध गराउदैं आएको छ । उक्त सुबिधा लिन चाहनेका लागि एपबाटै फारम भरी निशुल्क सदस्यता लिन सकिने ब्यबस्था उपलब्ध गराइएको छ ।

सदस्यता नभएकाहरुले पनि एपमा Continue as Guest मा क्लिक गरी सेवा प्रयोग गर्न सकिनेछ । उक्त एपमार्फत अर्डर गर्दा हाललाई १५ प्रतिशत छुट दिनुको साथ साथै रु. ५००/- भन्दा माथिको अर्डरमा हरेक शाखा बाट ३ कि. मि सम्म फ्रिडेलिभरीको व्यवस्था गरेको कम्पनीले जनाएको छ ।

प्रकाशित: ६ आश्विन २०७७, मंगलवार

Comments are closed.

Loading...