शाओमी पहिलो पटक नेपाली टेलिभिजन बजारमा प्रवेश, ५५ र ४३ इन्चका स्मार्ट टिभी सार्वजनिक

Technology Khabar २ आश्विन २०७७, शुक्रबार

शाओमी पहिलो पटक नेपाली टेलिभिजन बजारमा प्रवेश, ५५ र ४३ इन्चका स्मार्ट टिभी सार्वजनिक

शाओमी पहिलो पटक नेपालको टेलिभिजन बजारमा प्रवेश गरेको छ । शाओमी नेपालले शुक्रबार दशैं उत्सवको लाभ लिँदै दुईवटा नयाँ उत्पादन-मी टिभी ४एक्स (५५ इन्च) र मी एलईडी टिभी ४ए प्रो (४३ इन्च) सार्वजनिक गरेको हो।

योसंगै शाओमीले पहिलो पटक नेपालमा टिभीको नयाँ श्रेणीमा प्रवेश गरेको छ । कम्पनीले आज यी दुवै उत्पादनहरु डिजिटल अनावरणको नयाँ ढाँचामा प्रारम्भ गरेको छ।

मी टिभी ४एक्स (५५ इन्च) २०२० संस्करण
मी टिभी ४एक्स (५५ इन्च) २०२० संस्करणले नेपालमा ठुलो टिभीमा महत्वपूर्ण परिवर्तन ल्याएको छ । यसमा ४के १०-बिट एचडीआर डिस्प्ले सुविधा छ जसलाई शाओमीको इन-हाउस इमेज प्रोसेसिंग अल्गोरिदम, भिभिड पिक्चर इञ्जिनले पूरक गरेको छ । एक वास्तविक इमर्सिभ अडियो भिजुअल अनुभव सक्षम गर्दै २०वाट्ट स्पिकर डल्वी अडियो र डीटीएस एचडीको लागि प्रमाणित छन् ।

मी टिभी ४एक्स (५५) २०२० संस्करण गुगलको नयाँ एन्ड्रोइड टिभी ९.० को साथ गुगल एसिसटेन्ट, युट्यूब, क्रोमकास्ट, गुगल प्ले स्टोर र डाटा सेभर बिल्ट-इनमा आउँदछ ।

मी एलईडी टिभी ४ए प्रो (४३)
यो नयाँ मी एलईडी टिभी ४ए प्रो (४३) ४३ इन्चको १०८०पी पूर्ण एचडी रिजोलुसनको साथ आउँदछ जसले टिभी हेर्ने अनुभवलाई अझ उत्कृष्ट बनाउन थप शिष्टता ल्याउँछ । यसमा उत्कृष्ट संचालन अनुभवका लागि साधारण १२ बटनको ब्लुटुथ मी रिमोट सुविधा छ र डुअल २० वाट्टको स्टेरियो सेटअप छ जसले डीटीएस-एचडी साउन्ड प्रदान गर्दै उपभोक्ताको घरमा ठुलो टिभीको सिनेमेटिक अनुभव प्रदान गर्दछ ।

शाओमी नेपालका कन्ट्री जनरल म्यानेजर सौरभ कोठारीले भने, “हामी दुईवटा आकर्षक टिभीहरु सार्वजनिक गर्दै नेपालको हाम्रो उत्पादन पोर्टफोलियोमा एक नयाँ श्रेणीको प्रारम्भ गर्न पाउँदा निकै खुशी छौं । मी टिभीले यसको उत्कृष्ट सफ्टवेयरका साथ स्मार्ट टिभीको अर्थ परिभाषित गर्दछ र सबैको दर्शनका लागि हाम्रो नविनतामा अडिक रहन्छ । यसलाई नेपालका हाम्रा प्रयोगकर्ता र मी फ्यानले मन पराउनेछन् भन्ने आशा राखेका छौं ।”

उपलब्धता
मी टिभी ४एक्स (५५) २०२० संस्करण रु.६४,९९९ मा उपलब्ध हुनेछ । त्यसैगरि मी एलईडी टिभी ४ए प्रो (४३) रु.३९,९९९ मा उपलब्ध हुने कम्पनीले जानकारी दिएको छ ।

दुवै टिभीहरुका लागि सेप्टेम्बर १९ (असोज ३ गते) बाट प्रि—बुकिंग शुरु हुन्छ र मी एलईडी टिभी ४ए प्रो (४३) सेप्टेम्बर २५ (असोज ९ गते) र मी टिभी ४एक्स (५५) २०२० संस्करण ३० सेप्टेम्बर (असोज १४ गते) बाट अफलाइनमा उपलब्ध हुने जनाएको छ ।

प्रकाशित: २ आश्विन २०७७, शुक्रबार

Comments are closed.

Loading...