एयरटेलले भारतीय बजारमा जियोसँग प्रतिस्पर्धा गर्न सस्तो ४जी स्मार्टफोन ल्याउने

Technology Khabar ३० भाद्र २०७७, मंगलवार

एयरटेलले भारतीय बजारमा जियोसँग प्रतिस्पर्धा गर्न सस्तो ४जी स्मार्टफोन ल्याउने
Classic Tech
Nepal Telecom

पछिल्लो दिनमा भारतीय बजारमा टेलिकम कम्पनी रिलायन्स जियोको सस्तो योजनाहरू आएदेखि नै भारती एयरटेलले पनि सस्तो योजनाहरू दिएर जियोलाई पछाडि पार्ने कोशिस गरिरहेको छ ।

यसैबीच, जियोको सस्तो स्मार्टफोन लन्च गर्ने खबरको बीचमा, एक ताजा रिपोर्टकाअनुसार एयरटेलले पनि ४जी स्मार्टफोन ल्याउने तयारी गरिरहेको छ।

यसको लागि एयरटेलले चाँडै केही स्मार्टफोन कम्पनीहरूसँग साझेदारी गर्न सक्दछ। यद्यपि जियो र एयरटेलले फोनको लन्चिंग मिति र डिभाइसको बारेमा आधिकारिक जानकारी आईसकेको छैन् ।

रिपोर्टकाअनुसार एयरटेलले साझेदारीका लागि स्थानीय ब्रान्डको खोजी गरिरहेको छ। त्यस्तै कम्पनीले २जी प्रयोगकर्तालाई रिलायन्स जियोमा सहभागी हुनबाट रोक्न खोजिरहेको छ।

जानकारी रहोसभारतमा करिब ४० करोड मानिस अझै फिचर फोनहरू प्रयोग गरिरहेछन्। यस्तो अवस्थामा टेलिकम कम्पनीहरूले यी व्यक्तिलाई नजिकबाट निगरानी गरिरहेका छन्।

प्रतिवेदनका अनुसार एयरटेलले सस्तो स्मार्टफोनका लागि घरेलु मोबाइल कम्पनी माइक्रोम्याक्स र लाभा जस्ता कम्पनीहरूसँग वार्ता गरिरहेको छ।

यस बाहेक, एयरटेलका नयाँ फोनहरू लक र अनलक दुबै किसिमले आउन सक्छन्। यद्यपि लक गरिएको डिभाइसहरू भारतमा प्रयोगमा आईसकेका छैनन्।

एयरटेलले यसभन्दा पहिले पनि स्थानीय ब्रान्ड सेल्कनको साझेदारीमा ुमेरो पहिलो स्मार्टफोनु कार्यक्रम पनि सुरू गरेको थियो। यस अन्तर्गत, एयरटेलले सस्तो मूल्यमा ४जी स्मार्टफोनहरू प्रस्ताव गरिरहेको थियो।

फोन डाउन पेमेन्टमा दिइने गरिन्थ्यो र त्यसपछि उनीहरूले यसलाई सक्रिय राख्न मासिक रिचार्ज गर्नुपर्ने हुन्थ्यो। एजेन्सीका साथ

TK Viber

प्रकाशित: ३० भाद्र २०७७, मंगलवार

Loading...