Technology Khabar ३० भाद्र २०७७, मंगलवार
काठमाडौं ।
इन्टरनेट सेवा प्रदायक कम्पनी वर्ल्डलिंक कम्युनिकेशन्सले सर्वसाधारणलाई समेत शेयर जारी गर्ने योजना लिएको छ ।
कम्पनीले आफ्नो २५ औं वार्षिकोत्सवको अवसर पारेर आयोजित भर्चुअल पत्रकार सम्मेलनमा कम्पनीका अध्यक्ष दिलिप अग्रवालले शेयर जारी गर्ने योजना रहेको बताए ।
‘हामीले सर्वसाधारणलाई शेयर जारी गर्ने योजना राखेका छौं र यसको लागि कम्तिमा ३ वर्ष लाग्नेछ, त्यसबेला बजारको अवस्था हेरेर शेयर जारी गर्नेछौं,’ अध्यक्ष अग्रवालले भने ।
उनले यसै अन्तरगत कम्पनी १ वर्षअघि लिमिटेड कम्पनीमा गएको जानकारी दिए । कम्पनीको चुक्तापूँजी ११२ करोड रुपैयाँ रहेको उनले बताए ।
कम्पनीले यसका साथै पहिलोपटक विदेशी लगानी समेत भित्र्याएको थियो ।
प्रकाशित: ३० भाद्र २०७७, मंगलवार