मेटलाइफले ल्यायो ग्राहक सेवा एप, घरबाटै मोबाइल मार्फत विभिन्न सेवाहरु पाईने

Technology Khabar ३० भाद्र २०७७, मंगलवार

मेटलाइफले ल्यायो ग्राहक सेवा एप, घरबाटै मोबाइल मार्फत विभिन्न सेवाहरु पाईने
Classic Tech

बीमा कम्पनी मेटलाइफले ग्राहकहरुलाई बीमा सम्बन्धी सेवा र सुविधालाई थप सजिलोसंग पहुँच बढाउन र आफ्नो बीमा पोलिसी व्यवस्थापन गर्न नयाँ ग्राहक सेवा एप ल्याएको छ।

डिजिटल थिम अन्तर्गत सोमबार मेटलाइफ नेपालका उपाध्यक्ष तथा जनरल म्यानेजर निर्मल काजी श्रेष्ठले मेटलाइफका कर्मचारीहरु र फिल्ड फोर्सहरुको उपस्थितिमा भर्चुअल कार्यक्रममार्फत एप अनावरण गरेका थिए।

मेटलाइफ नेपालको ग्राहक सेवा एप दुबै आईओएस एप स्टोर र एन्ड्रोइड गूगल प्ले स्टोरबाट निशुल्क डाउनलोडको लागि उपलब्ध हुनेछ। एक पटक ग्राहकले सुरक्षित रूपमा एपलाई लगइन गरेपछि उनीहरूले आफ्नो बीमा पोलिसीको स्थिति, कुल प्रीमियम भुक्तान गरिएको र भुक्तानी गरिएको प्रीमियम किस्ता साथै उनीहरूको पोलिसीहरूको विस्तृत प्रिमियम भुक्तान विवरण जस्ता जानकारी हेर्न सक्ने जानकारी दिएको छ।

ग्राहकहरूले एपमा साइनअप गरी प्रिमियम तिर्न बाँकी रहेका मितिहरू र पूर्ण परिपक्वता सूचनाहरू समेत प्राप्त गर्न सक्नेछन। मेटलाइफ नेपालको एपमा सम्पर्क बिवरण र ग्राहक सहायताको लागि सोधपुछ फिचर्स पनि समावेश गरिएको छ।

नयाँ बीमा पोलिसी लिन इच्छुक ग्राहकहरूले पनि यो एपलाई प्रयोग गरी मेटलाइफका विभिन्न बीमा उत्पादनहरूका विवरणहरू हेर्न सक्नेछन साथै यदि कुनै सेवामा इच्छा भएमा आफ्नो जानकारी पेश गर्न सक्नेछन। उपलब्ध विवरणको आधारमा मेटलाइफका प्रतिनिधिहरुले ग्राहकहरूलाई सम्पर्क गर्नेछन्। उक्त एपमा प्रीमियम क्यालकुलेटर पनि समावेश गरिएको छ जस अन्तर्गत प्रयोगकर्ताहरूले उनीहरूको बीमा पोलिसी तथा योजनाहरुको सोधपुछ गर्न सक्ने बताईएको छ

‘महामारीको यस समयमा हामीले आफ्नो सेवा जारी गरिरहेको र यसैबीच ग्राहक सेवा एपलाई नेपालमा सुचारु गरेका छौँ। यस समाधानको साथ हामी हाम्रो ग्राहकहरूको जीवन अझ सरल र सजिलो बनाउन सक्षम हुनेछौं। हाम्रा ग्राहकहरूको लागि डिजिटल अनुभव सुधार गर्न कार्य गरि रहनेछौं ताकि घरमै बसी ग्राहकहरूले हाम्रो सेवाहरूमा पहुँच राख्न सक्नु हुनेछन्,’ मेटलाइफका उपाध्यक्ष तथा जनरल म्यानजर निर्मल काजी श्रेष्ठले भने ।

प्रकाशित: ३० भाद्र २०७७, मंगलवार

Leave a Reply

Loading...