Technology Khabar २७ भाद्र २०७७, शनिबार
काठमाडौं ।
कञ्चनपुरको भूमिसुधार तथा मालपोत कार्यालय प्रविधिमूलक हुने भएको छ । सो कार्यालयलाई प्रविधिमूलक बनाउनका लागि काम सुरु गरिएको छ ।
कार्यालय प्रमुख खेमराज खत्रीका अनुसार ढड्डाहरूलाई स्क्यान गरेर सफ्टवेयरमा राख्ने काम सुरु भएको छ ।
एक कम्पनीलाई जिम्मा दिएर दुई साता अगाडिदेखि प्रविधिमूलक कार्यालय बनाउन काम सुरु भएको हो । उनले भने, ‘अबको २५ दिन जतिमा सो काम सकिने अनुमान छ।’
यसरी भूमिसुधार तथा मालपोत कार्यालय प्रविधिमा जाँदा जनताको काम छिटो छरितो रूपमा हुने विश्वास यहाँ गरिएको छ ।
सो कार्यालय प्रविधिमूलक हुने बित्तिकै सम्बन्धित सथानीय तहबाट समेत जनतालाई सेवा दिन मिल्न कार्यालय प्रमुख खत्रीले बताए । गोरखापत्रबाट
प्रकाशित: २७ भाद्र २०७७, शनिबार
