रिलायन्सद्धारा आफ्नो रिटेल व्यवसायको शेयर अमेजनलाई बेच्न २० अर्ब डलरको प्रस्ताव

Technology Khabar २६ भाद्र २०७७, शुक्रबार

रिलायन्सद्धारा आफ्नो रिटेल व्यवसायको शेयर अमेजनलाई बेच्न २० अर्ब डलरको प्रस्ताव
Classic Tech

भारतीय अरबपति मुकेश अंबानीको रिलायन्स इंडस्ट्रीज लिमिटेडले आफ्नो खुद्रा व्यवसायको करीव २० अर्ब डलरको हिस्सा अमेजन डट कम इंकलाई बेच्न प्रस्ताव गरेको छ ।

अमेजनले कम्पनीको रिलायन्स रिटेल भेन्चर्स लिमिटेड इकाईमा लगानी गर्ने बारेमा छलफल गरेको छ र सम्भावित लेनदेनको लागि कुराकानीमा चासो व्यक्त गरेको छ, सो बारेमा जानकार व्यक्तिलाई उदृत गर्दै ब्लूमवर्गको रिपोर्टमा उल्लेख छ ।

मुम्बईस्थित रिलायन्स इन्डस्ट्रीज अमेजनलाई सहायक कम्पनीको ४० प्रतिशत जति शेयर बेच्न इच्छुक रहेको रिपोर्टमा उल्लेख छ ।

यो सम्झौता यदि सफल भयो भने भारतमा एउटा विशाल खुद्रा कम्पनी मात्र सिर्जना गर्दैन यसले विश्वको सबभन्दा द्रुत बृद्धि भईरहेको उपभोक्ता बजारमा जेफ बेजोस र एशियाको सबैभन्दा धनी मानिसबिचको प्रतिद्वन्द्वीता रोक्न सहयोग पुर्‍याउँछ ।

यदि २० अर्ब डलरमा सम्झौता भएमा अमेजनका लागि यो सम्झौता भारतमा अहिलेसम्मको सबैभन्दा ठूलो हुने कुरा ब्लूमबर्गले संकलन गरेको तथ्यांकले देखाएको छ ।

यसैबिच भारतीय कम्पनी रिलायन्स इंडस्ट्रीजको सेयर रेकर्ड वृद्धि हुँदै भारतको पहिलो २०० विलियन डलर बजार मूल्य हुने कम्पनी हुन सफल भएको छ । जसले कम्पनीलाई विश्वको ४० औं मूल्यवान कम्पनी बनाएको छ ।

प्रकाशित: २६ भाद्र २०७७, शुक्रबार

Comments are closed.

Loading...