गूगलको नयाँ अपरेटिङ्ग सिस्टम एन्ड्रोइड ११ सार्वजनिक, यी मोबाइल डिभाइसहरुमा उपलब्ध

Technology Khabar २४ भाद्र २०७७, बुधबार

गूगलको नयाँ अपरेटिङ्ग सिस्टम एन्ड्रोइड ११ सार्वजनिक, यी मोबाइल डिभाइसहरुमा उपलब्ध
Classic Tech

गूगलले आफ्नो नयाँ अपरेटिङ्ग सिस्टम एन्ड्रोइड ११ आज सार्वजनिक गरेको छ । एन्ड्रोइड ११ पिक्सेल फोनका साथसाथै अन्य ब्राण्डहरु वनप्लस, शाओमी, ओपो र रियलमी लगायतका फोनहरुमा पनि उपलब्ध हुनेछ ।

यसअघि केबल पिक्सेल फोनहरुमा मात्र शुरुमा उपलब्ध हुने गरेकोमा यस पटक विशेष गरी वनप्लस ८ र वनप्लस ८ प्रो, ओपो फाइण्ड एक्स २ र रेनो ३ मा एन्ड्रोइडको नयाँ अपडेट प्राप्त हुनेछ । शाओमीको एमआई १० र एमआई १० प्रोका साथै रियलमी एक्स ५० प्रो पनि सो अपडेटको सूचीमा रहेका छन्  तर यसमा कहिले आउँछ भनेर निश्चित गरिएको छैन्।

गुगलले नयाँ एन्ड्रोइड ११ मा दर्जनौं सुविधाहरू थपेको छ जसले स्मार्टफोनको अनुभवलाई अत्यन्त उन्नत बनाउनेछ। नयाँ एन्ड्रोइड अपरेटिङ्ग सिस्टममा मोबाइल प्रयोगकर्ताहरूको आवश्यकतालाई ध्यानमा राख्दै कम्पनीले एन्ड्रोइड ११ का सुविधाहरू तीन भागमा प्रस्तुत गरेको छ, जसमा व्यक्ति, नियन्त्रण र गोपनीयता समावेश छ।

गूगल ब्लग अनुसार कुराकानी, कनेक्टेड डिभाइस तथा गोपनियतामा केन्द्रित भएर एन्ड्रोइड ११ आएको छ ।

उदाहरणको लागी, कुराकानीहरुमा, उपयोगकर्ताहरुले उनीहरुको इच्छाअनुसार को सँग मेसेजमा कोसँग कुरा गर्ने र कसको मेसेज नोटिफिकेसनमा राख्ने भन्ने निर्णय गर्न सक्दछन् । र कसको मेसेजलाई नखोलिकन नै नोटिफिकेसनमा राख्न सकिने सुबिधा दिएको छ ।

त्यस्तै बबल्स फिचरका साथ कुनै पनि एपमा आएको मेसेजमा आफूले चलाइरहेको एप बन्द नगरिकनै रिप्लाई पनि दिन मिल्छ ।

भ्वाइस एक्सेस र किबोर्ड सुझाव जस्ता सुविधाहरू मार्फत स्मार्टफोन प्रयोगकर्ताहरूले मल्टि टास्किंगमा मद्दत प्राप्त गर्दछन्।

एन्ड्रोइड ११ मा बिल्ट इन स्क्रीन रेकर्डिङ्ग फिचर पनि उपलब्ध भएको छ जुन पहिले आइओएसमा मात्रै उपलब्ध थियो ।

यो पनि हेर्नुस्-

गूगलले सार्वजनिक गर्यो एन्ड्रोइड ११ को पहिलो बीटा भर्सन, यस्ता छन् प्रमुख फीचरहरु

प्रकाशित: २४ भाद्र २०७७, बुधबार

Comments are closed.

Loading...