४४ मेगापिक्सेल ड्यूल सेल्फी क्यामरासहित आउँदै भिभो भी२० स्मार्टफोन

Technology Khabar २४ भाद्र २०७७, बुधबार

४४ मेगापिक्सेल ड्यूल सेल्फी क्यामरासहित आउँदै भिभो भी२० स्मार्टफोन
Classic Tech
Nepal Telecom

चिनियाँ स्मार्टफोन मेकर कम्पनी भिभोले आफ्नो भी सिरिजको नयाँ स्मार्टफोनहरु ल्याउने तयारी गरिरहेको छ । कम्पनीले भारतबाट सबैभन्दा पहिलो भिभो भी २० सिरिज लन्च गर्ने अनुमान गरिएको छ।

कम्पनीले भी२० सिरिजमा भी २०, भी२०एसई र भी२०प्रो स्मार्टफोन लन्च गर्ने रिपोर्टहरु आएका छन् ।

हालै भी २० सिरिजको स्मार्टफोनको प्रमोशनल पोस्टर समेत सार्वजनिक भएको छ ।

कम्पनीको भी२० मा भिभो एक्स५० सिरिजको जस्तै क्यामरा सेटअप हसनेछ । यसमा तीन क्यामरा सेन्सर हुनेछ जसमा हाइब्रिड जूमसहित हुने बताईएको छ । क्यामराको लागि भीभो भी२० मा ४४ मेगापिक्सेलको ड्यूल सेल्फी क्यामरा हुने अनुमान गरिएको छ ।

भी२० मा बेजललेस ड्यूल पन्च होल डिस्प्ले डिजाइन हुनेछ भने फोनमा इन डिप्ले फिंगरप्रिन्ट सेन्सर राखिनेछ । फोनको साईड प्यानलमा भोल्यूम रकर तथा पावर बटन हुनेछ ।

भिभो भी२० सिरिजको स्मार्टफोनमा ३३ वाटको फास्ट चार्जिंग सपोर्ट हुने बताईएको छ भने यसमा क्वालकम स्न्यापड्रागन ६६५ चिपसेट तथा ८ जीबी र्याम हुनेछ । फोन एन्ड्रोयड १० मा आधारित फनटचओएसमा संचालन हुनेछ ।

नेपाली बजारमा पनि उपलब्ध हुने भिभो भी२० सिरिजको स्मार्टफोनहरु सेप्टेम्बरको अन्त्यमा लन्च हुनेछ । कम्पनीले यसमा भी२० र भी२० प्रो लन्च गर्ने अनुमान गरिएको छ।

TK Viber

प्रकाशित: २४ भाद्र २०७७, बुधबार

Loading...