माइक्रोसफ्टले एडोब फ्ल्यासको लागि डिसेम्बर ३१ देखि सपोर्ट बन्द गर्दै

Technology Khabar २३ भाद्र २०७७, मंगलवार

माइक्रोसफ्टले एडोब फ्ल्यासको लागि डिसेम्बर ३१ देखि सपोर्ट बन्द गर्दै
Classic Tech

माइक्रोसफ्टले नयाँ क्रोमियममा आधारित एज, लेगेसी एज र इन्टर्नेट एक्स्प्लोरर ११ ब्राउजरहरूमा विन्डोजबाट एडोब फ्ल्यासको लागि सपोर्ट हटाउन यसको टाइमलाइन स्पष्ट गरेको छ ।

कम्पनीले २०२० डिसेम्बर ३१ देखि वेब ब्राउजरले फ्ल्यासलाई सपोर्ट नगर्ने बताएको छ । सेवाग्राहीलाई अनलाइनमा सुरक्षित राख्न कम्पनीले फ्ल्यास प्लेयरलाई हटाउने बताएको हो ।

यसका साथै माइक्रोसफ्टले एडोब, एप्पल, फेसबुक, गूगल र मोजिल्लासँगै उभिएको छ । यी सबै कम्पनीहरुले यो वर्षदेखि फ्ल्यासको लागि सपोर्ट बन्द गर्ने घोषणा यसअघि नै गरेका थिए ।

‘माइक्रोसफ्टले २०२०को अत्यसँगै माइक्रोसफ्ट एज (नयाँ माइक्रोसफ्ट एज र माइक्रोसफ्ट एज लेगेसी दुबै) र इन्टरनेट एक्सप्लोरर ११ मा एडोब फ्ल्यास प्लेयरको समर्थन समाप्त गरिरहेको छ,’ कम्पनीले माइक्रोसफ्ट एज ब्लगमा भन्यो।

त्यसैले फ्ल्यास प्लेयर सम्बन्धी विन्डोज उपभोक्ताहरूको लागि माइक्रोसफ्टको सामान्य नीतिमा कुनै परिवर्तनहरू भएको छैन, जुन धेरै जसो खुला वेब मानकहरू जस्तै एचटीएमएल५, वेबजीएल र वेबएसेम्बली (HTML5, WebGL र WebAssembly) द्वारा प्रतिस्थापित गरिएको छ। एडोबले पनि डिसेम्बर २०२०पछि सेक्यूरिटी अपडेट जारी गर्दैन।

यद्यपि, माइक्रोसफ्टले अब इन्टरप्राइज ग्राहकहरुको लागी उपलब्ध हुने सपोर्टको रूपरेखा तयार पारेको छ, जुन विन्डोज, माइक्रोसफ्ट ब्राउजरहरु, र व्यापार एपहरुको लागी एडोब फ्ल्यास प्लेयरमा निर्भर गर्दछ। एजेन्सी

प्रकाशित: २३ भाद्र २०७७, मंगलवार

Comments are closed.

Loading...