फेसबुक र ट्विटर चलाउँदा भिडियोहरु आफैं खुलेर हैरान हुनुभयो ? त्यसोभए यसरी गर्नुस् बन्द

काठमाडौं ।

तपाईं सम्भवतः फेसबुक, ट्विटर, वा सामान्य रूपमा इन्टरनेटमा स्वचालित रूपमा प्ले (‘अटोप्ले’) हुने भिडियोहरूद्वारा दिक्क हुनुभएको छ।

तपाईंले कुनैपनि पेज लोड गर्ने बित्तिकै उनीहरू स्वचालितरुपमा प्ले हुन थाल्छन् वा जब तपाईं पेजमार्फत स्क्रोलिङ्ग गर्न सुरु गर्नुहुन्छ (यदि तिनीहरु बढि योजनाबद्ध रूपमा लागू गरिएको छ) ।

स्वचालित भिडियो प्ले एक सुविधा हो जुन यो तपाईंको रूचिको सम्बन्धमा रहेको सामाग्री सर्फेसिंग गर्दा राम्रो हुने गर्दछ तर यो कहिलेकाँहि कष्टप्रद हुन सक्छ। अटोप्ले भिडियोहरू हानिकारक पनि हुन सक्छ, यसले तपाईंलाई हिंसात्मक, आपत्तिजनक, वा अन्यथा अनावश्यक सामाग्रीको पर्दाफास गर्दछ जुन तपाईंले पूर्वनिर्धारित रूपमा (डिफल्टमा) देख्नु हुन्न।

तपाईं केवल सामाजिक मिडिया प्लेटफर्महरूमा अटोप्ले भिडियोहरू अन्त्य गर्न चाहनुहुन्छ वा अझ विस्तृतमा यसको समाधानको लागि खोजी गर्दै हुनुहुन्छ, यसको लागि हामीसँग केही सुझावहरू छन्।

यो कुरा ध्यानमा राख्नुहोस् कि तपाईँले प्रत्येक उपकरणको लागि यी सेटिङ्गहरू समायोजन गर्नुपर्छ जुन तपाईले प्रयोग गर्नु भएको छ, किनकि तपाईँको फोन तपाईँको कम्प्युटरमा स्वचालित तवरले पहुँचमा हुँदैन् ।

फेसबुकका लागि

यदि तपाईं आफ्नो ब्राउजरमा फेसबुक प्रयोग गर्दै हुनुहुन्छ भने, तपाईं यस तरिकाले अटोप्ले भिडियोहरू बन्द गर्न सक्नुहुनेछ ।

• पेजको माथि दायाँ ड्रपडाउन मेनूमा जानुहोस्।
• ‘सेटिंग्स र गोपनीयता’ मा गएर ‘सेटिंग्स’ चयन गर्नुहोस्।
• बायाँ-सूची मेनूमा ‘भिडियो’ लिस्टिङ्गको लागि हेर्नुहोस्। त्यस विकल्पको भित्र ‘टगल’ हुन्छ जहाँ तपाईं अटोप्लेइङ्ग भिडियोहरू बन्द गर्न सक्नुहुन्छ।

फेसबुकसँग यसको आईओएस र एन्ड्रोइड अनुप्रयोगहरूको लागि समान किसिमका विकल्पहरू छन्।

आईओएस एप प्रयोग गर्दै

• तपाईंको स्क्रिनको तल मेनू बटन क्लिक गर्नुहोस्।
• एक पटक तपाईं त्यहाँ भएपछि, ‘सेटिग्स र प्राइभेसी’ ट्याप गर्नुहोस्, त्यसपछि ‘सेटिंग्स’।
• जबसम्म तपाइँ ‘मिडिया र कन्ट्याक्टस’ फेला पार्नुहुन्न त्यसबेलासम्म तल स्क्रोल गर्नुहोस्, त्यसपछि ‘भिडियो र फोटोज’ ट्याप गर्नुहोस्।
• अन्तमा, एकचोटि तपाईंले ‘अटोप्ले’ फेला पार्नुभयो भने तपाई यस सुविधालाई अफ गर्न सक्नुहुन्छ।

एन्ड्रोइड एप प्रयोग गर्दै

• तपाईंको स्क्रिनको माथि दायाँमा मेनू बटन क्लिक गर्नुहोस्।
• एक पटक तपाईं त्यहाँ भएपछि, तल स्क्रोल गर्नुहोस् र ट्याप गर्नुहोस् ‘सेटिंग्स र प्राइभेसी’ त्यसपछि ‘सेटिग्स’।
• तल स्क्रोल गर्नुहोस् जबसम्म तपाइँ ‘मिडिया र कन्ट्याक्टस’ फेला पार्नुहुन्न र त्यसपछि यसमा ट्याप गर्नुहोस्।
• ‘अटोप्ले’ मा ट्याप गर्नुहोस् र यसलाई ‘नेभर अटोप्ले भिडियोज’ मा सेट गर्नुहोस्।

ट्विटरका लागि

• बाँया-मेनूमा ‘मोर’ क्लिक गर्नुहोस्, र त्यसपछि ‘सेटिग्स र प्राइभेसी’ मा ट्याप गर्नुहोस्।
  
• ‘डेटा यूजेज’ चयन गर्नुहोस्।
• ‘अटोप्ले’ सेटिंगमा क्लिक गर्नुहोस्। तपाईं त्यसपछि तपाईंको फिडमा भिडियोहरूको अटो प्ले बन्द गर्न सक्नुहुन्छ।

आईओएस र एन्ड्रोइड एप प्रयोग गर्दै

• तपाईंको फोन स्क्रिनको माथि प्रोफाइल तस्वीरमा क्लिक गर्नुहोस्।
• मेनूमा ‘सेटिंग्स र प्राइभेसी’ चयन गर्नुहोस्।
• ‘डेटा यूजेज’ मा नेभिगेट गर्नुहोस्, ‘भिडियो अटोप्ले’ मा ट्याप गर्नुहोस् र ‘नेभर अटोप्ले’ मा सेट गर्नुहोस्।