भारतमा पबजी मोबाइल गेम प्रतिबन्धको असर, कम्पनीले बजारबाट गुमायो ३४ अर्ब डलर

Technology Khabar २० भाद्र २०७७, शनिबार

भारतमा पबजी मोबाइल गेम प्रतिबन्धको असर, कम्पनीले बजारबाट गुमायो ३४ अर्ब डलर
Classic Tech

भारतले हालै चिनियाँ कम्पनी टेनसेन्टअन्तरगतको पबजी मोबाइल एपलाई प्रतिबन्ध लगाएको छ। चिनियाँ एपहरुलाई प्रतिबन्ध लगाएसँगै पबजीसमेत प्रतिबन्धित भएको हो । जसले गर्दा कम्पनीको मूल्य घटेको छ ।

पबजी प्रतिबन्ध भएसँगै टेनसेन्टको बजार मूल्यमा कमी आएको हो । जसमा कम्पनीले एकैपटक बजारबाट ३४ अर्ब डलर गुमाएको छ ।

भारतले प्रतिबन्ध लगाएपछि यसको बजार मूल्यमा आगामी दिनमा थप कमी हुने अनुमान गरिएको छ ।

टेनसेन्टको ग्लोबल आम्दानीमा पबजी मोबाइलको हिस्सा अधिक रहेको छ ।

भारत पबजीको लागि सबैभन्दा ठूलो बजार मध्ये एक हो । भारतमा पबजी मोबाइलका मात्रै करिब ३ करोड सक्रिय प्रयोगकर्ता थिए । यसबाहेक विश्वभर हुने डाउनलोडमध्ये सबैभन्दा धेरै भारतमा नै हुने गरेको थियो । भारतमा यो गेमको इन्स्टलेसन बेस २० करोड भन्दा अधिक थियो ।

पबजीका साथै टेनसेन्टको एरेना अफ भालोर, लूडो वर्ल्ड र चेस रन जस्ता गेमहरु समेत भारतले प्रतिबन्ध लगाएको छ । एजेन्सीका साथ

प्रकाशित: २० भाद्र २०७७, शनिबार

Comments are closed.

Loading...