इन्टेलको नयाँ ब्राण्ड लोगो सार्वजनिक, नयाँ डिजाइनले नविनतालाई प्रबर्द्धन गर्ने कम्पनीको भनाई

Technology Khabar १८ भाद्र २०७७, बिहीबार

इन्टेलको नयाँ ब्राण्ड लोगो सार्वजनिक, नयाँ डिजाइनले नविनतालाई प्रबर्द्धन गर्ने कम्पनीको भनाई
Classic Tech

इन्टेलले आफ्नो नयाँ लोगो सार्वजनिक गरेको छ, कम्पनीले विगत ५१ बर्षमा ब्रान्डको तेस्रो पहिचान ताजा गर्दै नयाँ लोगो जारी गरेको हो ।

आफ्नो प्रसिद्ध चक्रीय लोगोको ठाउँमा अब कम्प्युटर चिपहरू भन्दा पर प्रगति गरेको कम्पनीको प्रतिनिधित्व गर्ने उज्ज्वल रंगको साथ एक सरल टाइपफेस रहेको छ। यो इंटेलको चौथो लोगो हो।

पहिलेको लोगो २००६ मा बनाईएको थियो। यसको अर्थ यो नयाँ लोगो १४ वर्षपछि परिवर्तन भएको छ ।

बुधवार एक घोषणामा, इंटेलका चीफ मार्केटिङ्ग अफिसर करेन वाकरले भने कि कम्पनीले वर्षौंको अवधिमा प्रोसेसरदेखि सफ्टवेयरसम्मको विकासमा जसले कृत्रिम बुद्धिमत्तादेखि इन्टरनेट अफ थीङ्ग्सलाई शक्ति दिन्छ; यसको ब्रान्ड पहिचान धेरै हदसम्म ‘अनटच्ड’ रहेको छ ।

‘यो नयाँ ब्रान्ड हामीले सिर्जना गरेको प्रविधिको प्रतिनिधि मात्र होइन, कम्पनीमा चल्दै आएको मानवीय झिल्को र नवीनताको प्रतिमूर्ति पनि हो,’ वाकरले एक विज्ञप्तिमा भने।

नयाँ लोगो पुरानो भन्दा धेरै फरक भने छैन् । पुनः डिजाइन गरिएको लोगो अधिक आधुनिक छ र यसले ब्राण्डमा “आयाम र चौड़ाई” ल्याउँछ । तर निलो रंग भने अझै कम्पनीको लागि महत्वपूर्ण रहेको देखिन्छ ।

यसका साथै इन्टेल इन्साइड भनेर कम्प्यूटरमा टाँसिने स्टीकरमा पनि परिवर्तन गरिएको छ । सीएनएन

प्रकाशित: १८ भाद्र २०७७, बिहीबार

Comments are closed.

Loading...