नर्वेको संसदमा ह्याकरहरूद्धारा आक्रमण

Technology Khabar १७ भाद्र २०७७, बुधबार

नर्वेको संसदमा ह्याकरहरूद्धारा आक्रमण
Classic Tech

नर्वेको संसदमा साइबर आक्रमण भएको छ। संसदले हालै गंभिर साइबर आक्रमण भएको जानकारी दिएको छ ।

निर्देशक मारियाना एन्ड्रियासेनले नर्वेको मुख्य विपक्षी लेबर पार्टीका धेरै सदस्य र कर्मचारीहरूको ईमेल खाता ह्याक गरिएको बताईन् ।

‘हामी यस कुरालाई गम्भीरताका साथ लिन्छौं,’ उनले भनिन्, ‘र हामीले घटनाको समग्र तस्विर र क्षतिको सम्भाव्य अवस्था प्राप्त गर्न घटनाको विश्लेषण गर्न पूर्ण ध्यान दिएका छौं।’

नर्वेजियन राष्ट्रिय सुरक्षा प्राधिकरणले धेरै दिनदेखि संसदलाई विश्लेषण र प्राविधिक सहयोगमा सहयोग गरिरहेको बताएको छ।

गत जनवरीमा, चान्सलर एन्जेला मर्केलसहित सयौं जर्मन राजनीतिज्ञहरूको व्यक्तिगत विवरणहरू चोरी भएर अनलाइन प्रकाशित भएका थिए ।

गत वर्ष, अष्ट्रेलियाको साइबर इंटेलिजेंस एजेन्सीले ह्याकरहरूले अष्ट्रेलियाली संसदमा प्रवेश गर्ने प्रयास गरेपछि चीनलाई दोष लगाएको थियो, तर चिनियाँ अधिकारीहरूले अस्वीकार गरेका थिए । बीबीसी

प्रकाशित: १७ भाद्र २०७७, बुधबार

Comments are closed.

Loading...